VIDEO
Shqiptarja.com zbardh një dokument, që mban firmën e kryetarit të grupit parlamentar socialist, Taulant Balla, i cili e deklaron të përfunduar paktin politik Rama-Basha, i cili mundësoi futjen e PD në zgjedhje, në këmbim të ndarjes së pushtetit.
Dokumenti mban datën 14.11.2017, me anë të të cilit Partia Socialiste kërkon shkarkimin e kryetarit të KQZ, Klement Zguri. Emërimi i Zgurit, me propozim të PD-PR, ishte pikërisht produkt i marrëveshjes Rama-Basha. Duke argumentuar se pse duhet të shkarkohet Zguri, ndër të tjera Balla shkruan se marrëveshja politike në bazë të së cilës u zgjodh Zguri në krye të KQZ, tashmë ka përfunduar. Në dokument thuhet gjithashtu se marrëveshja Ram-Basha u zbatua duke anashkaluar ligjin.
Në këtë kuadër, tërheqja e kryeministrit Edi Rama në 30 nëntor nga shkarkimi i Zgurit dhe ftesa për ta zgjidhur këtë çështje me dialog, duket disi kontradiktore me kërkesën dhe argumentimin e kreut të grupit parlamentar socialist. Nga ana tjetër, Basha deklaroi prishjen e marrëveshjes menjëherë pasi humbi zgjedhjet. “Kujtojmë që z. Zguri nuk u zgjodh në respekt të Kodit Zgjedhor, por të një marrëveshjeje politike, e cila sot konsiderohet e përfunduar. Z. Klement Zguri është zgjedhur kryetar i KQZ me vendimin nr. 78/2017 të Kuvendit, në kuadër të marrëveshjes politike pozitë-opozitë të majit 2017.
Ai është zgjedhur pa konkurim, si kandidat i vetëm i ofruar nga opozita, me synimin e shpallur për të ofruar sa më shumë garanci për këtë të fundit, me qëllim sigurimin e një procesi zgjedhor gjithëpërfshirës. Sipas Raportit të OSBE-ODIHR për zgjedhjet 2017: Marrëveshja siguroi pjesëmarrjen e PD-së dhe të aleatëve të saj në zgjedhje dhe përcaktoi që PD-ja do të merrte disa poste. Si pjesë e marrëveshjes politike, Kuvendi zëvendësoi me 22 maj kryetarin e KQZ-së 35 ditë para ditës së zgjedhjeve me një anëtar tjetër të KQZ-së, përfaqësues i opozitës. duke anashkaluar procedurën e parashikuar ligjore”, thuhet në kërkesë.
Thirrja për dialog
Në seancën e 30 nëntorit, kryeministri Edi Rama u tërhoq nga nisma për shkarkimin e kreut të KQZ, Klement Zguri. Tërheqja erdhi pas kërkesave të vazhdueshme të Lulzim Basha dhe kreut të PR, Fatmir Mediut. “Pranoj propozimin që të mos futet në kalendarin e Kuvendit kërkesa, dialog me opozitën për të zgjidhur ngërçin. Nuk kemi se çfarë diskutojmë më, nuk është sot për të debatuar” deklaroi Rama.
Basha për marrëveshjen
Në seancën e parë të Kuvendit të ri që doli nga zgjedhjet e 25 qershorit, kryetari i opozitës Lulzim Basha u shpreh se marrëveshja e 18 majit kishte përfunduar, sipas tij, me vjedhjen e zgjedhjeve. “Thelbi i marrëveshjes së 18 majit ishin zgjedhjet e lira dhe të ndershme.
Ndaj dhe zgjedhjet e 25 qershorit shënuan edhe vdekjen e kësaj marrëveshjeje. Zgjedhjet rikonfirmuan problemin numër 1 të Shqipërisë: vjedhjen dhe tjetërsimin e vullnetit të Shqiptarëve për hir të pushtetit personal dhe privat të Edi Ramës”, ka pohuar Basha.
d.c./shqiptarja.com
Lajme të tjera
-
OSBE, trajnim punonjësve të Burgjeve për standardet e të drejtave të njeriut
22 Nëntor, 15:44 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Buxheti 2025/ KQZ kërkoi 137 mln lekë për investime, qeveria i dha 1.5 mln! Celibashi: Ende s'ka dakordësi as për votimin elektronik në Tiranë
15 Nëntor, 14:54 -
Hasani pret kreun e OSBE, zv/kryeministrin e Maltës, ministri: Mbështetje për rrugën tonë drejt BE-së! Borg: Inkurajojmë Shqipërinë për integrim, goditje korrupsionit
13 Nëntor, 10:29 -
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Celibashi takim me Hasanin dhe Hoxhën: Koordinim i angazhimeve për realizimin e votës së diasporës
12 Nëntor, 21:34 -
Komisioni antikorrupsion/ Kreu i KQZ-së: Problem, financimi i partive! Ndryshuat Kodin por latë pa zgjidhur financimin
12 Nëntor, 18:19 -
Qeveria shton fondin për KQZ, 20 milionë lekë për përgatitjen për zgjedhjet 2025
6 Nëntor, 18:38 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
KQZ jep udhëzime për votën e emigrantëve: Mos fusni asnjë dokument në zarf veç fletës së votimit! S'duhet të ketë asnjë shënim mbi zarf
4 Nëntor, 14:50 -
Zgjedhjet 2025/ Celibashi: Po punojmë me PD-në për të mundësuar votimin elektronik në qarkun Tiranë
1 Nëntor, 21:45
