Grushti i Bledion Nallbatit ndaj Vullnet Sinës në parlament, Rithemelimi dhe PS bëjnë 2 kallëzime penale! SPAK nis hetimet: Të sekuestrohen pamjet filmike

SPAK ka kërkuar sekuestrimin e pamjeve filmike pas kallëzimit të bërë nga PS se deputeti i Rithemelimit Bledion Nallbati ka grushtuar në seancën e djeshme në Kuvend deputetin e PS Vullnet Sina. Prokuror i çështjes do të jetë Elvin Gokaj. Edhe grupi i Rithemelimit ka hartuar kallëzim penal të firmosur nga Gazment Bardhi në të cilin padisin Vullnet Sinën i cili sipas tyre goditi për shkak të detyrës deputetin e tyre.

Kjo nuk do të ishte hera e parë që një deputet shkon në gjykatë për shkak të dhunës ndaj kolegëve në parlament.

Më 14 korrik në vitin 2014 deputetët e atëhershëm Arben Ndoka dhe Pjerin Ndreu goditën deputetin Gent Strazimiri dhe Prokuroria e Përgjithshme i mori të pandehur. Çështja u shqyrtua në Gjykatën e Lartë, e cila mbylli dosjen duke argumentuar se akte të tilla nga ana e deputetëve nuk përbëjnë vepër penale dhe si të tilla, duhet të gjykohen administrativisht nga vetë Kuvendi i Shqipërisë.

Në vendimin e 10 qershorit Gjykatësit më të lartë në vend arsyetuan se çështja penale e nisur nga prokuroria pas denoncimit të Partisë Demokratike, nuk duhej të kishte nisur si çështje penale pasi veprime të tilla përbëjnë tejkalime të lirisë parlamentare, shkelje të cilat gjykohen dhe ndëshkohen nga vetë Kuvendi.

Nëse edhe në rastin e z. Nallbati apo z. Sina ky vendim i Gjykatës së Lartë do të konsiderohet si precedent apo jo nga SPAK pritet të shihet në ditët në vijim.

Vullnet Sinaj, deputet i Partisë Socialiste ka reaguar në lidhje me kallëzimin e kryer në SPAK nga PD ndaj tij. Sinaj tha se deputeti Bledjon Nallbati e goditi, por ai e priti grushtin me dorë.

‘Nëse SPAK më thërret do të shkoj. Nuk kam frikë nga drejtësia. Aty janë videot, e kam pritur me dorë grushtin. Ai ka goditur por unë  e kam pritur me dorë. Ndodhi ai incident që ndodhi. Mund të ndodhte dhe me një koleg tjetër.'- tha Sinaj.

Rithemelimi iu kundërpërgjigj kallëzimit penal ndaj deputetit Bledion Nallbati me një tjetër kallëzim penal ndaj deputetit Vullnet Sina

Edhe  ata kanë ngritur akuzën goditje për shkak të detyrës.”

(Kliko këtu për të parë dokumentin e plotë)

Partia Socialiste ka kallëzuar në SPAK deputetin Bledion Nallbati, i cili në seancën e 30 tetorit goditi me grusht deputetin socialist Vullnet Sina.

I pyetur në lidhje me këtë, Berisha tha se thjesht ja ka dorëzuar një organizate tjetër kriminale që funksionon në këmbët e Ramës.

“Asgjë tjetër veçse ia dërgoi një organizate tjetër kriminale siç është SPAK, që funksionon i tëri nën këmbët e Edi Ramës me fabrikime, falsifikime kriminale. Me lidhje me bandat dhe krimin. Në këtë aspekt, nuk ka asnjë lloj habie se përse këta i drejtohen tani SKAP-it të partisë. I bindur të jesh ti se demokratët janë shumë të vendosur kësaj here. Mund t’i them Edi Ramës se ky është vetëm fillimi. Ta dijë Edi Rama.’- tha Berisha.

Foto: Seanca parlamentare e 30 tetorit kur Bledion Nallbati goditi me grusht Vullnet Sinën

Partia Socialiste firmosi kallëzim penal ndaj deputetit mbështetës të Sali Berishës i cili në seancën parlamentare të 30 tetorit 2023 goditi me grusht deputetin socialist Vullnet Sina.

Në kallëzim shkruhet se provohen qartë se 4 elementët përbërës të veprës penale "Goditjes për shkak të detyrës" janë plotësuar në mënyre kumulative, për këro arsye, ka të dhëna të mjaftueshme për të filluar ndjekjen penale ndaj Bledion Nallbati për shkak të konsumimit të veprës penale të "Goditjes për shkak të detyrës" parashikuar nga neni 237 i Kodit Penal.

Por çfarë parashikon neni eni 237 i Kodit Penal?

"Goditjet ose vepra të tjera dhune që i bëhen punonjësit që kryen një detyrë shtetërore apo një shërbim publik, për shkak të veprimtarisë së tij shtetërore apo të shërbimit, dënohen me gjobë ose me burgim gjer në tre vjet"