Dolën të fundit në zgjedhje, kandidatët e PD për Dibrën dhe Shkodrën mbrojnë Bashën: Votat u blenë, kryedemokrati s’duhet të japë dorëheqjen

Luan Haka dhe Xhemal Bushati, edhe pse humbën në zgjedhjet për kryetar të bashkisë në Dibër dhe Shkodër, i kanë dalë në mbrojte Lulzim Bashës. Në një kohë kur vetë mbështetësit më të ngushtë të Bashës po i kërkojnë të mbajë përgjegjësi dhe të jap dorëheqjen pasi PD doli forcë e fundit në zgjedhjet e 6 marsit, Haka dhe Bushati shprehen se BAsha nuk ka pse të jap dorëheqjen.

Pak para se të nisin mbledhjen në selinë blu me kryedemokratin Lulzim Basha, Luan Haka kandidati i PD për kryetar bashkie në Dibër tha se një bandë ka qenë e pranishme, duke bërë që ai të mos fitonte zgjedhjet. Sipas Hakës humbja erdhi si pasojë se në Dibër janë blerë votat.

“Me atë bandë që ka qenë në Dibër, të gjithë ministrat kanë qenë në Dibër dhe e dinë të gjithë sa është bërë pagesa për një votë në Dibër. Basha ka bërë fushatë.  Pse Basha duhet ta mbrojë votën në Dibër? E gjithë administrata ishte në Dibër. Kjo nuk është dorëzim, por vazhdimi i një beteje.”, tha Haka.

LEXO EDHE:
Mbi 64 mijë të rinj shqiptarë kërkuan azil në vendet e BE në 2023! PD: Qeverisja e Ramës po largon rininë, programi ynë i kthen

Edhe Xhemal Bushati i cili kandidoi për bashkinë Shkodër, tha se Basha nuk duhet ta japë në asnjë mënyrë dorëheqjen nga drejtimi i selisë blu. Bushati tha se lidership më të ri se Lulzim Basha nuk ka deri më tani në Partinë Demokratike edhe pse sipas tij, do të bëhet një analizë për atë çfarë ndodhi në zgjedhjet e pjesshme vendore.

A duhet të japë dorëheqjen z. Basha?

Bushati: Në asnjë mënyrë. Ne dhamë modelin më të mirë. Do bëjmë analizën e zgjedhjeve dhe do dalin problematikat. Më i ri se z. Basha s’ka lidership

Lajmi kryesor:

Deputetët i kërkuan dorëheqjen Bashës, i dalin në mbrojtje krerët e degëve: S'është faji yt, humbja përgjegjësi e jona dhe e deputetëve që s'bënë fushatë, por vinin për foto (Debati i plotë)

/KT/Shqiptarja.com

TAG:
• lulzim basha
• zgjedhjet 6 mars 2022
• PD