Deputetët i kërkuan dorëheqjen Bashës, i dalin në mbrojtje krerët e degëve: S'është faji yt, humbja përgjegjësi e jona dhe e deputetëve që s'bënë fushatë, por vinin për foto (Debati i plotë)

TIRANË- Nga një mbledhje plot kritika një natë më parë me deputetët e PD-së ku kërkesa e të gjithëve ishte që Lulzim Basha të jepte dorëheqjen dhe të zhvillonte zgjedhjet të reja brenda partisë pas humbjes drastike në zgjedhjet e 6 marsit, sot në takim me krerët e degëve në selinë blu duket se kryedemokrati është ndjerë më komod, pasi një pjesë e tyre i kanë dalë në mbrojtje. Kandidatët e PD në zgjedhjet e 6 marsit, humbjen drastike të PD nuk ia kanë faturuar Bashës por deputetëve të tij, të cilët sipas tyre ata nuk punuan gjatë fushatës me qytetarët në terren, por shfaqeshin vetëm për të bërë foto.

Xhemal Bushati i cili kandidoi në Shkodër, Ferdinant Saraci në Rrogozhinë dhe Luan Haka që kandidoi në Dibër tha se zgjedhjet u blenë nga qeveria dhe Foltorja që kishin përballë dhe se Basha nuk ka përse jep dorëheqjen, por t'i kërkojë llogari të tjerëve për humbjen në 6 mars. Edhe nënkryetari i PD në Lezhë, Fran Frrokaj ka kritikuara deputetë që nuk shkojnë  për të punuar por për t'u dukur me versaçe. Ndërsa Mark Ruç, kryetar i degës Mirditë tha se "duhet një strategji që të dimë si të ecim nesër në zgjedhje, të konsultohemi me njerëzit që të marrim përgjegjësi. Duhet të qetësohemi e të logjikojmë", ndërsa për humbjen e thellë në zgjedhjet e 6 marsit, ai tha se kandidatët e PD u përballuan një garë të pabarabartë.

Nga ana tjetër vetë Basha tha se përgjegjësi për humbjen kanë të gjithë, por që tashmë PD duhet të tejkalojë kultin e individit dhe të përgatitet për betejën e radhës pas një vit që janë zgjedhjet vendore në të gjithë vendin.

"Përgjegjësia bie tek te gjithë, por fillon edhe me mua. Secili duhet të mbajë përgjegjësi. Ne kemi në dorë të qëndrojmë, të tejkalojmë kultin e individit, për t’u bere gati për betejën e ardhshme", tha Basha me krerët e degëve të PD në selinë blu.

Kryetari i degës Fier, Agron Kapllanaj tha se Berisha përdori lekët e pista për të blerë vota dhe duket se ia arriti qëllimit, ndërsa shtoi se kanë lëvizur makina me lekë për si të Berishës dhe Ramës për të siguruar votat.

Në mbledhjen e  djeshme, një pjesë e deputetëve i kërkuan largimin nga drejtimi i demokratëve, si forma e vetme për të shpëtuar partinë. Ky zemërim në radhët e demokratëve erdhi pasi Partia Demokratike në drejtimin e Lulzim Bashës pësoi humbjen e 6 radhazi në zgjedhje. PD-ja doli forcë e 3-të në 5 Bashki (përveç Rrogozhinës), duke u mundur jo vetëm nga Partia Socialiste dhe Edi Rama, por edhe nga ish-aleati i tij, Sali Berisha që i mori Bashkinë e Shkodrës me Bardh Spahinë. Basha refuzoi që këtë ta quante humbjen e radhës, duke thënë se ai "nuk kishte humbur në jetën e tij asnjë garë, por thjesht ishte përballur me masakra elektorale" e ku 6 marsin e quajti 'kurth'.

Debatet e plota në mbledhje:

Kandidati i PD për Rrogozhinën, Ferdinand Saraçi: PS e Foltorja patën të deleguar që ndanin para. Ju më dërguat disa deputetë, por vetëm dash Sula la qenë në krah. Pati shitblerje të votës. Kanë parë e pushtet. Foltorja e dinte se nuk kishte shanse por vazhdoi me shantazhe e blerje votash. Nuk ke faj ti që humba Rrogozhinën, mbaj përgjegjësi vetë dhe duhet të jetë përgjegjësi edhe e deputetëve që ishin. Kërkojë llogari deputetët e. Nuk vihet në fushatë për foto. Nuk keni faj ju pse humba unë. Kemi faj unë dhe ata deputetë që ishin. Janë dhënë leke. Unë kaq kisha mundësi. Ata që të kërkojnë llogari ty, ti kërkojnë llogari vetes. Jap dorëheqjen, përgjegjësinë e mbaj vet.

Kandidati i PD për bashkinë e Shkodrës, Xhemal Bushati: Unë e kam filluar fushatën për qytetarët, si një fushatë për qeverinë vendore. Në Shkodër kishim qeverinë, administratën, PSD e Foltore. Kishim bashkinë, LSI, presionin e Bashkisë ndaj qytetarëve më shumë se askush. Ju kërkoj me modestinë time, ashtu siç ishim në gjithë Shkodër, ta shëtisnin krejt Shqipërinë. Kryetarja e bashkisë bënte presion për vota. T’i harrojmë këto debate tani. Duhet mendojmë për nesër.

Kryetari i degës Fier, Agron Kapllanaj: Berisha në këto zgjedhje ia arriti qëllimit, e kishte jeta a vdekje, leket. Nuk i mbaronin, me sa duket “duart e pastra” paskan bërë punën e vet. Duhet të marrim masa për te ndalur shitblerjen e votës, kemi komisionin për reformën zgjedhore dhe ate territoriale, te bëjmë ndryshime për te ndalur këto fenomene. Nëse nuk e ndalojmë Nuk do te ketë ndryshim, sepse nuk po i mbarojnë leket Berishes, imagjino Edi Rames. Lekët e Berishës e të Ramës nuk mbarojnë kurrë. Po rritet çmimi i votës. Foltorja bleu vota e komisionerë. Kanë lëvizur foristrada me lek.

Kandidati i PD për bashkinë Dibër, Luan Haka: Me atë bandë që ka qenë në Dibër, të gjithë ministrat kanë qenë në Dibër dhe e dinë të gjithë sa është bërë pagesa për një votë në Dibër. Basha ka bërë fushatë.  Pse Basha duhet ta mbrojë votën në Dibër? E gjithë administrata ishte në Dibër. Kjo nuk është dorëzim, por vazhdimi i një beteje.Nuk  ka qenë një fushatë, ne jemi përballur me banda. Jo vetëm me të ramës por edhe me të Sali Berishës. Të gjithë fushatën foltorja e kishte me ne. Lekë për të blerë demokratë. Pastaj kishim 3 ministra të ps që rrinin në 3 hotele të ndryshme. Votuesve u bëhet presion me një asistencë sociale. Shpërndanë naftë 3 ditë e fundit tek fermerët. Gjithë policia nëpër rrugë me presione

Kryetari i Partisë Demokratike në Mirditë, Mark Ruçi: Duhet një strategji që të dimë si të ecim nesër në zgjedhje. Makineria e pushtetit vijon vijën e partisë së pushtetit të parë (komunizmit). Duhet të konsultohemi me njerëzit që të marrim përgjegjësi. Duhet të qetësohemi e të llogjikojmë. Falendëroj kandidatët që përballuan një garë të pabarabartë.

Nënkryetari i PD në Lezhë, Fran Frrokaj: Falënderoj 6 kandidatët. Nga 6 bashki 5 kanë qenë të majta. Nuk ka ndodhur që në zgjedhje të pjesshme të fitojë opozita. Mos të shkojnë deputetët me Versaçe, por të shkojnë për të punuar, duhet të kthjellohemi e të gjykojmë. Të gjithë harrojnë se Berisha është non grata dhe sulmojnë PD. Ne nuk jemi për kryetarin dhe as atë që do vijë nesër, por jemi për PD. Vendimi i fundit që duhet të mendosh dorëheqjen kryetar. Duhet ta harrosh dorëheqjen. Në 2013 nuk ke humbur ti, por Sali Berisha me 1 milion vota kundër. Kishte krejt shtetin, por humbi me 1 milion vota kundër. Koha tregoi se Berisha Nuk kishte ikur kurrë, këtë e tregon edhe lista e deputetëve. Ai është non grata jo Basha. Te kam kërkuar që të mos e fusje në liste në 2017, mire bërë qe nuk më dëgjove. Por plaku nuk është në gjak me ne, është me Amerikën. Turpi është i tij që flet me atë gjuhë. Jemi parti euroatlantike, nuk bëjmë dot pa SHBA. Mediat janë në sulm anti- Basha, anti -pd, anti -demokraci. Mos e mendo dorëheqjen, është vendimi i fundit që duhet të mendosh, nuk është zgjidhje. Kapiteni ikën i fundit, jemi në një anije.

Kryetari i Partisë Demokratike dega Kurbin, Behar Haxhia: Falenderoj kandidatët që e morën përsipër këtë përballje. Ku fitohet përballë këtij pushteti. Nuk e mendoj dorëheqjen time dhe as ti s’duhet të mendosh dorëheqjen. Nuk duhet te kishim hyre ne zgjedhje, se ishin kurth. Duhet te na mbushesh mendjen ne qe te japim dorëheqjen pastaj mund te mendosh t’i për dorëheqjeje. Jane 6 bashki, nuk ke pse jep dorëheqjen. Nuk ke pse merr vendime me deputet, se i kemi bere ne deputete.

Kryetari i PD, Dega Mat, Arjan Lika: Të gjithë armiqtë duke na gjuajtur ne, ndërsa ne duke gjuajtur njëri-tjetrin. Trekëndëshi Bermudës e caktoi vet kush del i pari e kush i fundit. Kandidatët mos të mërziten fare, bravo u qoftë që e morën përsipër këtë përballje. Deputetët dhe drejtuesit të bëhen më pranë njerëzve. Nuk duhet gjuajtur me gurë të parin e shtëpisë tonë. Ja e hoqëm, vjen një I ri. Si do e zgjidhë problemin me Sali Berishën. Ai (Berisha) nuk e zgjidh dot problemin me Amerikën. Ju bëj thirrje ta mbështesim Lulzim Bashën. Me 9 shtator mori një vendim për të mirën e kësaj shtëpi. Duhet të punojmë, reflektojmë. Nuk është situatë e mirë, por duhet të vazhdojmë fort përpara. Jemi ne gjendje lufte. Po si è jep dorëheqjen tani nga nënkryetar partie, nga nënkryetar kuvendi, tani ne lufte? Po te ishe ne pushtet do ta jepje dorëheqjen? Nuk behet keshtu, deputetet duhet te jene me pranë njerëzve. Sot me shume se kurrë ta mbështesim kryetarin. Vendimin e 9 shtatorit Nuk e mori për veten, por e beri për te mirën e çdo demokrati qe sot po vuan. Te vazhdojmë fort përpara.

Flamur Hoxha: Dua të falënderoj kandidatët që morën këtë sfidë. Hynë në një garë sakrifikuan shumë. Fjala deputet para jush nuk flet. Kryetar nëse ka dikush që duhet të ngrejë zërin jeni ju dhe kryetarwt e degëve. Nëse vendosim këtë standard nisim rrugën e riorganizimit. Strukturë, rinia e ardhmja. Duhet rinuar strukturat. Duhet që kryetarët e degëve të pyeten për gjithçka në degët e tyre. Kryetarët e degëve Duhet të pyetën e të marrin përgjegjësi për listat e kandidatëve që zgjedhin për deputetë.

Kryetarja e degës 2 në Tiranë, Mirlinda Çollaku: Në Vorë mekanizmi që përdor PS, u sofistifikua çdo ditë. Paguajnë për të sjellë votuesin në votim. Duhet t’i bindim shqiptarët që PD nuk është individi, por ajo partia e madhe që ka qenë. Kjo duhet bërë duke folur me njerëzit.  

 Kryetari e degës 8 në Tiranë, Pëllumb Seferi: Në Vorë pashë bashkëpunimin Berisha-Rama-Meta dhe bandat.  Njerëzit ishin të frikësuar. Ishte gjithçka e mbyllur. Njerëzit kërcënoheshin nëse ishin votues të PD. Përçarja e PD i jepte fitoren PS dhe këtë bënë.

Rezart Thupi, drejtues i fushatës së Luan Hotit në Durrës:  Të deleguarit kanë punuar sikur fushata ishte 3 muaj. Duhet t'iu them që ishim vetëm. Ju si kryetar partie, sollët si të deleguar me shumë pushtet zonjën Duma, që e dëgjova dje me shumë interes ku kërkonte dorëheqjen tuaj. E dërguara politike zonja Duma ka ardhur një herë në 3 ditë. Publikoi foto pa kandidatin. Organizoi takim me gratë dhe u anashkalua  takimi për një qokë familjare. Në numërimin e votave prania e deputetëve ishte zero. Në vend që të kërkonte dorëheqjen tuaj duhet të vinte në procesin e numërimit drejtuesja politike dhe deputetët. Kanë qenë vetëm strukturat e PD Durrës. Duhet t'iu them qe ishim vetëm. Me përjashtim të zotit Hoxha, pjesa tjetër nuk kanë qenë shumë afër. Duhet të ndryshojmë rrënjësisht funksionimin në bazë. Duhet strukturë e vogël por efiçente

Kryetari i degës Sarandë, Vesel Koçia: Meta e Berisha organizuan zgjedhjet për të goditur PD. Deputetët ngelën nëpër tv e konferenca I lanë njerëzit më rënie të lirë. Nëse kryesia dhe deputetët të ishin seriozisht në terren, nuk do të kishim këtë rezultat. Duhet organizim I strukturave. Mbështes riorganizimin dhe kthim në terren

Kryetari i degës Malësi e Madhe, Anton Kokaj: Duhet të dalim te njerëzit. Kemi kohë me reflektuar, edhe me e drejtuar gishtin tek ju zoti Basha. Por duhet të gjykojmë me qetësi. Kishim dy palë që donin me na hëngër, PS e foltorja. Foltorja ka bashkëpunuar me PS në Shkodër në çdo qendër votimi me përllogaritje. Kandidatët tanë kanë vlerë

Kryetari i degës Krujë, Sabah Sheta: Duhet të qëndrojmë. Shoh të gjithë këta burra e gra të përkushtuar. Nuk na duhen ata të selfie e Facebook, të na hiqen sysh.  Na duhen njerëz të përkushtuar të ecim para.

Rendit zhvillimet sipas orarit:

Të Fundit Të Parat

B.K./I.K/Shqiptarja.com

TAG:
• lulzim basha
• zgjedhjet 6 mars 2022
• PD