Tirana ka arritur të fitojë duelin jetik për mbijetesën kundër Skënderbeut. Edhe pse vinin me 9 mungesa, kryesisht për shkak të kartonëve në derbi, bardheblutë ia dolën 1-0 në Elbasan Arena me një penallti të realizuar në minutën e 85 nga Bajroviç, pasi e fitoi 16-vjeçari Serxho Vogli, i aktivizuar si zëvendësues në pjesën e dytë.
“Një fitore që na jep qetësinë. Një fitore e vuajtur ku erdhën 3 pikë duke mos bërë lojën tonë më të mirë. Kishim mundësi për më mirë. Skënderbeut pati momentet e veta kur mund të shënonte, por për fatin tonë të mirë sot futbolli na ktheu atë që ndoshta na ka munguar në ndonjë ndeshje të mëparshme,”-u shpreh Bledi Shkëmbi, trajner i Tiranës.
Me këtë fitore, pas shumë javësh, Tirana doli nga zona e ftohtë, duke u ngjitur në vendin e 7 me 26 pikë, ndërsa Skënderbeu zhytet akoma më shumë në vendin e fundit, teksa pas 25 javësh ka vetëm 20 pikë.
“Humbjet gjithmonë janë të vështira dhe jo të mira. Për momentin Skënderbeu po e vuan këtë punën e humbjes edhe të vendit ku jemi. Kështu është futbolli. Sot ndeshja u nda me një penallti. Ndoshta mund të kishte penallti edhe për ne në momentin e Mihës, por nuk u vlerësua nga VAR. Vlerësoi tjetër penallti. Kjo ishte ndeshje shumë e vështirë dhe shumë e rëndësishme për të dyja skuadrat. Edhe presioni e tensioni ndihet nga të dy kahët,”-tha Ernest Gjoka, trajner i Skënderbeut.
Po të dielën Laçi fitoi 3-0 kundër Teutës, duke i lënë durrsakët në vendin e parafundit, ndërsa të shtunën Bylisi barazoi 1-1 me Elbasanin, Dinamo e mbylli pa gola me Vllazninë dhe Egnatia mposhti 2-0 Partizanin në supersfidën e javës. Për rrogozhinasit kjo ishte fitorja e 6 radhazi në Superligë, duke bërë që të shkëputen në krye me 4 pikë më shumë se Vllaznia e vendit të dytë.
Komente
Lajme të tjera
-
Renditja/ 'Shterpësi' në Superligë, AF Elbasani 1-1 Dinamo! Partizani 'ngec' në shtëpi, Laçi bën për spital trajnerin
16 Mars, 20:41 -
Probleme shëndetësore në Bylis - Laçi, trajneri Francesco Moriero transportohet në spital gjatë ndeshjes
16 Mars, 16:29 -
Volejboll femra/ Tirana përmbys Skënderbeun në Korçë dhe fiton Kupën e Shqipërisë
15 Mars, 22:03 -
Superliga/ Skënderbeu befason Vllazninë në 'Loro Boriçi', e mposht 1-2! Tirana merr një pikë kundër kampionëve
15 Mars, 20:29 -
Superliga luhet në dy ditë, spikat Egnatia - Tirana! Agjenda e javës së 30-të, flasin protagonistët
14 Mars, 13:54 -
Klasikja pa gola, Shkëmbi për Report TV: I kënaqur me 1 pikë! Trajneri i Vllaznisë: Ishim pafat
12 Mars, 16:18 -
Superliga/ ‘Klasikja’ s'i shërben askujt, Tirana 0-0 Vllaznia! Pa gola edhe ndeshja në ‘Niko Dovana’, kryeson Egnatia
12 Mars, 08:50 -
Partizani përmbys 1-2 Skënderbeun, Dinamo fiton me super Bregun! Laçi ndal Egnatian, sot spikat Tirana - Vllaznia
11 Mars, 08:31 -
Klasike jetike për Tiranën, trajneri Shkëmbi: Shpresoj që fati mos të jetë sërish me Vllazninë! Të martën edhe 2 sfida të tjera
10 Mars, 16:40 -
Dinamo për autokritikë, Ilir Daja: Ka ardhur koha ta mposhtim Bylisin
9 Mars, 21:52 -
Partizani katër humbje radhazi, Abilaliaj para transfertës korçare: Mungojnë tre penallti për ne, gjykimi jo si duhet
9 Mars, 21:06 -
Mbulimi i monumentit të Skënderbeut, Rama: Po merren format, një kopje e tij do jetë në Paris! Kua-kua-kuatë mallkime për tradhti kombëtare
9 Mars, 18:52
