Dollmë me mish qingji nga zonja Albana
Përbërësit:
- 1 kg miell
- ½ lgj kripë
- 1 lç sodë
- 1 lç sheqer
- 1 vezë
- 1 fç kos
- 2 kg mish qingji
- 2 qepë të thata
- 2 thelpinj hudhër
- Nenexhik
- Kripë, piper
Përgatitja:
![](https://shqiptarja.com/template/img/NO_ALFA_Kuadrate shqiptarja.png)
Përziejmë të gjithë përbërësit e kulaçit në një tas. E punojmë mirë brumin e vendosim në një tavë. Pasi e kemi niveluar bëjmë disa kalime me majën e pirunit në mënyrë që brumi të marrë ajrosje. E vendosim të piqet në furrë të parangrohur në temperaturën 200 gradë Celsius.
Ndërkohë mishin e qingjit e kemi vendosur të ziejë në ujë me kripë. Lëngun që përftojmë e ruajmë për përsheshin.
Kaurdisim qepën derisa të tretet mirë, shtojmë kripën, pipërin, nenexhikun dhe lëngun e mishit. Bëjmë më pas kulaçin përshesh dhe e trazojmë më lëngun, por jo shumë që kulaçi mos të squllet. Mishin e qingjit e kalojmë në furrë sa të marrë një ngjyrë të lehtë sipërfaqja.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)