POP 5

Lajmet më të lexuara të 5 minutave të fundit

Sport

Dominim edhe në Europë, Spalletti: Napoli bëri lojë të madhe, mos jemi mendjemëdhenj

Napoli i Luciano Spallettit fitoi dje 0-2 në udhëtim kundër Eintracht Frankfurtit në ndeshjen e parë të 1/8 të Ligës së Kampionëve.

Dominim edhe në Europë, Spalletti: Napoli bëri lojë të madhe, mos jemi mendjemëdhenj

Luciano Spalletti

Napoli i Luciano Spallettit fitoi dje 0-2 në udhëtim kundër Eintracht Frankfurtit në ndeshjen e parë të 1/8 të Ligës së Kampionëve, duke dominuar lojën dhe duke hipotekuar kalimin në çerekfinale. Pas ndeshjes, trajneri Spalletti është shprehur i lumtur por kërkon të mbajë të tijtë me këmbë në tokë.

“Jam shumë i kënaqur me paraqitjen sepse luajtëm me personalitet qysh në fillim të ndeshjes. Çerekfinalet e Champions League janë më afër. Për mua, kualifikimi është gjithmonë 50 me 50, sepse në çdo rast ndeshja e dytë duhet luajtur. Na duhet përulësia maksimale sepse supozimi se kemi kaluar bëhet armik dhe ndeshjet mund të ndryshojnë për një episod në çdo kohë", tha italiani.

Trajneri analizoi edhe lojën kundër Frankfurtit, me napoletanët që dominuan duelin dhe veç dy golave humbën edhe penallti.

"Ne luajtëm një lojë që tregon se futbolli ynë është efektiv edhe në Europë, ndërsa Eintracht luajti në mënyrën italiane duke u vënë në mbrojtje. Në këtë ndeshje nuk duhet ta linim të kontrollonte lojën sepse do të ishte bërë e rrezikshme të na merrnin hapësira të caktuara", tha Spalletti.

Pas ndeshjes, në kanalet e komunikimit ka pasur komplimente edhe nga presidenti i Napolit, Aurelio De Laurentiis. "Nuk është kurrë e lehtë të fitosh në Champions League, veçanërisht në Gjermani dhe me një personalitet të madh të treguar. Bravo të gjithëve".

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Vlorë/ U gjetën shpendë të ngordhur në plazhin e vjetër dy ditë më parë, analizat rezultojnë pozitive për gripin e shpendëve

Vlorë/ U gjetën shpendë të ngordhur në plazhin e vjetër dy ditë më parë, analizat rezultojnë pozitive për gripin e shpendëve

7 Janar, 09:14 nga Armand Xhelili