Demokratët, ata që dikur mbështesnin Lulzim Bashës, sot kanë përshëndetur vendimin e tij për t'u larguar nga drejtimi i PD-së. Me një deklaratë për mediat pas përfundimit të mbledhjes së Bashës me grupin parlamentar dhe krerët e degëve, Ervin Salianji tha se uron që ky vendim mos të jetë një 'truk', por një shpresë për ringritjen e partisë.
Ndërkohë deputetja Grida Duma reagoi nëpërmjet një postimi në Facebook, ku shkroi se nga momenti i dorëheqjes së Bashës, PD mund të "ndërtojë projektin e saj të fitores së madhe".
Reagime ka patur edhe nga deputetët e Sali Berishës, Për të cilët Basha ishte shkarkuar që prej 11 dhjetorit, ku u mbajty Kuvendi i Berishës.
Lulzim Basha dha sot dorëheqjen si kryetar i PD-së, pas 9 vitesh si drejtues i kësaj partie. Vendimi i Bashës për dorëheqjen vjen pas humbjes së thellë të PD në zgjedhjet e pjesshme lokale të 6 marsit, ku jo vetëm nuk fitoi asnjëra nga 6 bashkitë, por u rendit edhe forcë e tretë. Menjëherë pas kësaj 'disfate', disa nga personalitetet më të rëndësishme të PD-së di Grida Duma, Ervin Salianji, Agron Gjekmarkaj dhe Enkelejd Alibeaj, që kanë qenë zëra pro Bashës, kërkuan dorëheqjen e tij. Kriza në PD filloi me shpalljen e Sali Berishës 'non grata' nga SHBA dhe u thellua pas vendimit të Bashës për përjashtimin e ish-liderit të PD nga grupi parlamentar. Kjo bëri që Partia Demokratike të ndahej në dy pole, ku një pjesë mbështesnin Berishën e një pjesë Bashën.
Astrit Patozi ka reaguar pas dorëheqjes së Lulzim Bashës si kryetari PD, ku thotë se është herët për ta parë këtë si një çlirim për fati e mëtejshëm të PD-së. Në Facebook, Patozi shkruan se dorëheqja e Bashës i ka shtuar edhe më shumë pikëpyetjet për perspektivën e saj politike, pasi ka lënë prapa një fushë të minuar
"Është herët për t'u gëzuar nga ikja e Bashës. Dorëheqja e Lulzim Bashës ishte e pritshme, madje tmerrësisht e vonuar. Dhe si çdo gjë në këtë botë që zvarritet gjatë nuk është e thënë patjetër që të bëjë mirë edhe kur më në fund litari këputet. Ndaj është shumë herët për ta parë atë si një çlirim të madh për fatin e mëtejshëm të Partisë Demokratike. Mendoj se ajo i ka shtuar edhe më shumë pikëpyetjet për perspektivën e saj politike, pasi ka lënë prapa një fushë të minuar. Tani varet shumë se si do ta lexojnë protagonistët e tjerë ikjen jo aq të padjallëzuar të kryetarit tashmë të larguar nga zyra e selisë së PD", shkruan Patozi.
Luan Baçi ka reaguar pasi Lulzim Basha dha dorëheqjen nga drejtimi i Partisë Demokratike. Ai shkruan në Facebook se Basha duhej të ishte larguar kohë më parë dhe se dëmi që ai i ka shkaktuar partisë gjatë këtyre 8 viteve, është i pallogaritshëm.
Postimi i plotë:
" Basha dorehiqet" jo !
Basha eshte i shkarkuar nga kuvendi i 11 Dhjetorit me 4446 vota te delegateve te kuvendit dhe i ratifikuar nga 44000 anetare te PD!
Basha duhet te ishte larguar nga zyrat e PD koh me pare dhe mos te pengonte aktivitetin normal te PD!
Demi qe i ka shkaktuar PD eshte i pallogaritshem!
Trumbetimi i veprimit te sotem si " Doreheqje" apo nje "Hap pas" per " te miren e demokrateve" eshte hipokrizi, per te terhequr vemendjen dhe per te rikoperuar diçka nga ajo qe mund te ket mbetur!
Asgje ska mbetur, per tu rikuperuar, veprimi i tij i sotem eshte i detyruar, nga presioni i demokrateve, ai eshte i vetem, pa mbeshtetes dhe pa dinjitet!
Ai perseri do te vazhdoj, te imponohet, te fitoj ndonje pik, per ta paraqitur veprimin e tij, si veprim fisnik, si veprim lideri dhe se eshte i vlefshem!
Thjesht duhet te largohet nga zyra, dhe te kerkoj falje demokrateve per te gjithe demin qe ka shkaktuar!
Grida Duma tha se pas dorëheqjes së Lulzim Bashës nga kreu i PD, është koha që të gjithë demokratët të shpalosin energjitë për ringritjen e partisë në fitore.
"Nga ky çast, Partia Demokratike mundet të ndërtojë projektin e saj të fitores së madhe! Nga ky çast, Partia Demokratike, me të vetmit aksionerë: demokratët, mundet të shpalosë gjithë energjinë e jashtëzakonshme që ka", tha Duma.
Deputeti Ervin Salianji tha se shpreson që dorëheqja e Lulzim Bashës të mos jetë një truk i tij por një shans për ringritjen e PD.
"Akti i mirëpritur po i vonuara, ne që ka sakrifikuar për PD do të jemi këtu për të ndjekur që të vijojë rruga e ripërtëritjes së PD. Shpresoj që akti i sotëm të mos jetë një truk por një akt për ringritjen e PD dhe procesi të mos pengohet përmes trukeve", tha Salianji pas mbarimit të mbledhjes së grupit të PD.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03
Me GRIDA RRUGACEN,,DO SHKONI NGA FITORJA NE FITORE...../////
Përgjigju