Muaji korrik shënon fluksin e lartë të bizneseve që masivisht i drejtohen portalit e-Albania për të depozituar bilancet vjetore pranë Qendrës Kombëtare të Biznesit. Bizneset shqiptare dhe të huaja, të regjistruara në Regjistrin Tregtar, ftohen të kryejnë depozitimin e dokumentacioneve brenda datës 31 korrik.
e-Albania ofron një procedurë të shpejtë që finalizohet në pak minuta nga administratorët apo personat e autorizuar. Por bizneset (administratorët apo personat e autorizuar prej tyre) ftohen të kenë kujdes me procedurat e depozitimit, pasi pasqyrat financiare dhe dokumentacionet e tjera përmbledhëse vjetore duhet të ngarkohen në formularin elektronik të aplikimit, vetëm pasi të kenë nënshkrimin elektronik, një aset i çmuar i arritjeve të digjitalizimit në Shqipëri, që jep mundësinë e firmosjes së një sërë dokumentesh elektronikisht, kudo dhe kurdo.
Si funksionon procedura?
Shërbimin e posaçëm bizneset e gjejnë tek e-Albania të emërtuar si: Depozitimi i pasqyrave financiare dhe raporteve të auditimit (për subjektet me administrator shqiptar dhe/ose të huaj: Submission of financial statements and audit reports (for entities with Albanian and/or foreign administrators -
https://e-albania.al/eAlbaniaServices/UseService.aspx?service_code=12582)
Shumica e bizneseve tashmë janë mësuar me ritualin e depozitimit të dokumenteve më sipër.
Portali e-Albania ka publikuar një video orientuese për hapat që duhet të kryhen deri në finalizimin me sukses të formatit të aplikimit https://youtu.be/KL-i-I-t_lk
Procedura rutinë kryhet vetëm në pak minuta dhe ngarkimi i dokumentacioneve nuk merr aspak kohë. e-Albania garanton përdoruesit për një shërbim cilësor dhe pa vonesa, duke u dhënë mundësinë bizneseve që edhe në rast se administratori apo personi i autorizuar nuk e kanë ende nënshkrimin elektronik, mund ta përfitojnë mundësinë falas me një afat vlefshmërie dy javore, duke përdorur shërbimin: Aplikim për pajisje me nënshkrim elektronik për të punësuarit dhe subjektet tatimpaguese (https://e-albania.al/eAlbaniaServices/UseService.aspx?service_code=13521) dhe duke zgjedhur në formularin e aplikimit, opsionin e aplikimit për regjistrim fillestar.
Në total, janë mbi 20 mijë subjekte në të gjithë vendin që kanë detyrimin të depozitojnë bilancet për vitin paraardhës pranë QKB-së, ndërkohë që ky është viti i 8-të i depozitimit online me anë të portalit qeveritar e-Albania.
Lajme të tjera
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Risitë e e-Albania, Repishti: Për herë të parë online certifikata e vaksinimit të fëmijëve
9 Shtator, 21:32 -
Kartela e vaksinimit të fëmijëve e aksesueshme në e-Albania
3 Shtator, 13:56 -
Rihapet regjistrimi për nxënësit në klasë të parë dhe klasë të dhjetë, afati deri në 6 shtator
2 Shtator, 10:42 -
Kredi e butë për administratën, mbyllen aplikimet
16 Gusht, 14:57 -
‘Leje unike!’ Shërbime të reja në e-Albania për punësimin e të huajve
8 Gusht, 17:09 -
Keni humbur dokumentet e udhëtimit apo u ka skaduar afati? Si të aplikoni online në e-albania e të shkurtoni kohë
5 Gusht, 11:27 -
Hapen regjistrimet për klasat e para dhe të dhjeta në e-Albania, do të vijojnë deri në 31 gusht
8 Korrik, 13:12 -
Nga sot, 5 shërbime te reja doganore përmes portalit e-Albania
30 Prill, 16:36 -
Nga sot asistent virtual në e-Albania, Rama: Brenda 2024 do të jetë edhe me zë e figurë
28 Dhjetor 2023, 11:35
-
Hapen aplikimet për menaxhimin e stacioneve të plazheve për vitin 2024, bëhen online në e-Albania
6 Nëntor 2023, 08:21 -
Fitues në garën ndërkombëtare në teknologji, gjimnazistët në podcastin e Ramës: Ja projekti ynë ambicioz, synojmë të dixhitalizojmë me e-Albania shkeljet e qarkullimit rrugor
21 Tetor 2023, 08:45
