Verdikti i Apelit për çështjen Babale është shtyrë sërish. Për të disatën herë ka munguar deputeti demokrat Ervin Salianji, por shkak për shtyrjen e vendimit është bërë Indrit Sefa, avokati i Jetmir Olldashit.

Ai ka paraqitur argument se nuk është në gjendje të mirë shëndetësore.

Prokurori për kërkesën e Sefës: Është nje moment procedural që është për tu diskutuar. Sefa ka depozituar një kërkese për shtyrje të seancës, me argumentin se ka probleme shëndetësore. Në këto kushte, e vlerësoj te ligjshme kërkesën e tij, nga ana tjetër i them gjykatës për këto seanca qe shtyhen, nëse do jete mundësi për caktimin e një avokati tjetër.

Redi Ramaj: Të shtyhet seanca gjyqësore.

Ardian Visha: Shëndeti i Sefa, mendoj si gjithmonë është një loj ping-pongu, për të zvarritur këtë proces. Edhe njëherë e përsëris që tregues i këtij fakti është mungesa e Salianjit dhe të tjerëve. Të caktohet avokat kryesisht.

Seanca e radhës në 20 shtator.