POP 5

Lajmet më të lexuara të 5 minutave të fundit

Kronikë

Dosja ‘Buka’, GJKKO nuk nis gjykimin për Ahmetajn, i jep SPAK 3 muaj kohë të plotësojë hetimet

Gjykata e Posaçme i ka kthyer duke i dhënë edhe 3 muaj afat SPAK për të plotësuar hetimet për dosjen “Buka”, ku ish zëvendëskryeministri Arben Ahmetaj akuzohet për veprën penale “shpërdorim detyre”, me dëm ekonomik rreth 7 miliardë lekë.

Dosja ‘Buka’, GJKKO nuk nis gjykimin për Ahmetajn, i jep SPAK 3 muaj kohë të plotësojë hetimet

Arben Ahmetaj

TIRANË - Gjykata e Posaçme i ka kthyer duke i dhënë edhe 3 muaj afat SPAK për të plotësuar hetimet për dosjen “Buka”, ku ish zëvendëskryeministri Arben Ahmetaj akuzohet për veprën penale “shpërdorim detyre”, me dëm ekonomik rreth 7 miliardë lekë.

Këtë të martë ishte seanca paraprake, ku pritej kalimi i dosjes për gjykim nga GJKKO. Prokurori i çështjen Elvin Gokaj ka afat deri ne datë 10 mars 2025 për të plotësuar hetimet e munguara.

Arben Ahmetaj akuzohet nga SPAK se ka shpërdorur detyrën duke favorizuar për të privatizuar shoqërinë “Buka sha” nga biznesmeni Lirim Fezollari.

Nga korriku i vitit 2023, Ahmetaj është shpallur në kërkim ndërkombëtar për korrupsion, pastrim parash dhe fshehje të pasurisë.

Prokuroria e Posaçme mori zyrtarisht të pandehur ish numrin dy të qeverisë nën akuzën “shpërdorim detyre”, ndërsa hetimet u mbyllën në muajin dhjetor të vitit të kaluar.

Për këtë çështje SPAK hetoi edhe 7 persona të tjerë përfaqësues të Ministrisë së Financave si dhe biznesmenin Lirim Fezollari.

Ky i fundit përfitoi nga privatizimi sipas SPAK, në kohën kur Ahmetaj ishte në hetim. Ahmetaj dhe Fezollari kishin marrëdhënie përtej komunikimit institucional, cka bëri që ai të përfitonte aksionet e shoqërisë Buka sh.a.

Që nga muaji korrik i vitit 2023, Ahmetaj ndodhet në kërkim ndërkombëtar për çështjen e inceneratorëve, për disa vepra penale për “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Biden, fonde federale shtesë për shuarjen e zjarreve në Kaliforni

Biden, fonde federale shtesë për shuarjen e zjarreve në Kaliforni

10 Janar, 10:06