'Dosja gjyqësore 2-3 muaj para gjyqit'/ Avokati i Thaçit: Po pickoja veten kur po dëgjoja prokurorin! Na duhen të paktën 18 muaj minimumi për mbrojtjen

Mbrojtja kërkon minimumi 18 muaj kohë, ndryshe nga sa pretendon prokuroria për 2-3 muaj. Avokati i ish- presidentit Hashim Thaçi, David Hopper tha se kur ka dëgjuar prokurorinë që tha se dosjen e plotë gjyqësore do e publikonin 2-3 muaj para, nuk u besonte veshëve.

"Afati 18 mujor është minimumi që ne parashikojmë për të filluar për të shikuar nëse do kemi ekipin për t’u përgatitur për procesin gjyqësor që mund të fillonte në verën e vitit 2022. Tek dëgjoj z. Tiger më duhej ta pickoja veten nëse isha në ëndërr apo jo. Vërtet po thotë se mund të bëhet kështu ky gjyq! Kjo është e pakonceptueshme! Sigurisht unë e mbaj mendjen e hapur, por dua që t’ju them se këto fjalë të prokurorisë janë zhgënjyese. Do të duhen të paktën 18 muaj që të hetojmë këtë çështje. Ky është realiteti. Z. gjykatës e ka thënë që s’mund ta caktojë sot datën e çështjen", tha avokati i Thaçit. 

LEXO EDHE:
Hasani takon Thaçin: Shqipëria do të këmbëngulë për proces gjyqësor të hapur e transparent

Lajmi kryesor:

Prokuroria kundërshton kërkesën për gjykimin në liri të Hashim Thaçit: Të njëjtin vendim dhe për Krasniqin e Selimin! Akuza: Dosja gjyqësore 2-3 muaj para gjyqit! Mbrojtja: Duam kohë

B.K./Shqiptarja.com

TAG:
• hashim thaci
• kadri veseli
• rexhep selimi
• Jakup Krasniqi
• krime lufte
• gjykata speciale ne hage