Pëllumb Gjoka i përfshirë edhe në dosjen e tjetërsimit të pronave në Velipojë! Përgjimet e ‘Sky’, biznesmeni i kazinove i implikuar edhe në trafik droge

Nga megaoperacioni i SPAK përpos përgjimeve, janë zbuluar nofkat që Ervis Martinaj, anëtarët e bandës së Bajrit, ekzekutorët dhe Pëllumb Gjoka e thërrisnin njëri-tjetrin.

Gjithçka arriti të zbulohej nga përgjimet e ‘Sky’ që tashmë janë zbërthyer nga SPAK.

Ende nuk është bërë e ditur se kujt i referoheshin me disa prej nofkave, por deri tani është kuptuar që nofka ‘V’ i përkiste të shumëkërkuarit, Ervis Martinaj, Kolobo (Pëllumb Gjokës) ndërsa Kapedan, Behar Bajri.

"Lopata", "Kapedani", "Kolombo", "Dori", "Daci", "Denis" apo "V" një simbol që nënkuptonte Ervis Martinaj, janë disa prej nofkave të zbërthyera nga SPAK që çuan në arrestimin e 8 personave dhe shpalljen në kërkim të 7 të tjerëve.

Nofkat janë zbërthyer nga SPAK dhe BKH falë hetimeve të koordinuara me drejtësinë Franceze.

Pasi kreu me sukses porosinë e Ervis Martinaj, Pëllumb Gjoka priste shpërblimin e tij. Ai kërkonte të vriste Kleant Musabelliun, të cilin priste t’i merrte hakun për plagosjen e disa viteve më parë.

Sidoqoftë, ndonëse Pëllumb Gjoka kishte përgatitur çdo gjë me detaje atentati ndaj ish drejtorit të Burgjeve, dështoi në rrethana që edhe sot rezultojnë të paqarta.

Pjesa nga biseda:

Pëllumbi i shkruan: Kur mendon? Në orën 18:11?

Behari i shkruan, nesër mbrëma kryhet një punë dhe atë herë për një javë kryehet puna jote.

Pellumbi i shkruan, Ok vëlla.

Behari i kërkon që, fol me "Benin" dhe të gjej një vend ku të lënë një makinë "pune" sonte sepse skan ku ta lënë.

Pellumbi i shkruan, kur duhet me fol se nuk kam kështu telefoni. Duhet me fol sot apo nesër?

Behari i shkruan që, sonte a mundet me lënë një makinë pune, a mundet ma e lënë se skam ku ta lej. Ku është se e takoj unë dhe flas gojarisht.

Pellumbi i shkruan, vëlla nuk ka "Skai" ai. Ok po e pyes dhe të them. Ai është tek lokal, apo shkon aty? ESHOP

Behari i shkruan, mirë se po iki. Se jam rrugës duke ardh për Shkodër.

Në orën 19:52, Behar Brajoviq duke përdorur TIV9E3 komunikon me përdoruesin e QPDLP7, i paidentifikuar dhe ky i fundit e pyet nëse je në Shëngjin sepse pash BMË në xhiro.

Gjithashtu ai i tregon që ke FNSH në xhiro dhe të bëj kujdes.

Në orën 20:52, Behar Brajoviq duke përdorur TIV9E3 komunikon me përdoruesin e B045ZY i identifikuar si Denis Brajoviq.

Ky i fundit i tregon që, sapo jemi nisur për të marrë këtë djalin, sepse tani kanë ardhur. Jam duke e pritur sapo kalon "gjelin".

Në orën 23.59, Behar Brajoviq duke përdorur TIV9E3 komunikon me përdoruesin e G8KC24 i identifikuar si Edmond Preka.

Behari i shkruan që, ...sot kemi për të kry një punë dhe Edmond Preka shprehet duke i thënë "...Ishalla, don zoti...".

Përgjimet e ‘Sky’ të cilat kanë vënë pas hekurave zyrtarë të lartë e eksponent të krimit kanë nxjerrë zbuluar misteret e vrasjeve të bujshme siç ishte ajo e Gjin Boriçit.  

Në përgjime, është lajmëruar fillimisht nga ekzekutori që rezulton Denis Brajoviç (në kërkim), Behar Bajri, i cili më vonë i ka dhënë lajmin biznesmenit, Pëllumb Gjokës rreth mesnatës.

Vrasja e Gjin Boriçit rezulton te jetë kryer nga Denis Brajoviq, i cili në një nga bisedat i shkruaj Behar Bajrit:

"...Gjoks e kry, kapedan. Mu blloku, se dosha me ja gri kryt, se më tha diçka...".

Nga kjo bisedë del qartë se arma është bllokuar ndërsa viktima edhe pse ka qenë në grahmat e fundit të jetës , rezulton ti ketë folur autorëve.

Pas vrasjes Behar Bajri ka njoftuar në mesnatë biznesmenin Pëllumb Gjoka, ku me tyre zhvillohet kjo bisedë:

Behari: "...u kry, tani presim atë tëndin, atë që deshti ai u kry. Gjinin deshti ai...

Pëllumbi shprehet: "...ok vëlla..., kjoft me zotin, futja gjumit tani...

Behar Brajoviq (Bajri) ka pasur rolin e organizuesit dhe koordinimit të të gjithëve të përfshirë në këtë ngjarje, me qëllim realizimin e vrasjes së shtetasin Gjin Boriçi (Ndoj).

Edmond Preka, në bashkëpunim me persona të tjerë ende të paidentifikuar ka pasur rolin e transportimit të ekzekutorëve nga vendi ku do të digjej automjeti në një vend të sigurt për të kaluar natën.

Ndërsa biznesmeni strategjik, Pellumb Gjoka, ka pasur dijeni të plotë që do të realizohej vrasja e organizuar nga Behar Brajoviq dhe ka ndihmuar këtë të fundit duke u interesuar për fshehjen e automjetit që do të përdorej nga ekzekutorët për realizimin e vrasjes.

Pak pas atentatit, 1 km larg vendit ku u qëllua për vdekje i riu u gjet e djegur një makinë që dyshohej se i përkiste autorëve. Makina e djegur  tip "Benz" me targa AA 346 LC të cilat figuronin që ishin denoncuar të vjedhura që më 20 qershor të atij viti në Ishëm

Tre vjet më pas, 27 korrik 2023, Prokuroria e Posaçme SPAK informon se ka zbuluar autorët e dyshuar të këtij krimi të rëndë.

Kanë qenë mesazhet e dekoduara në “Sky” dhe “Encro chat” që kanë zbuluar autorët dhe se Ervis Martinaj donte të vrarë  Ndojin.

Nuk dihet shkaku pse Martinaj e donte të vrarë Ndojin. Ishte Gjoka më pas, që pajtoi Behar Bajrin në Shkodër për të kryer ekzekutimin. Bajri edhe pse kërkoi vrasës jashtë, u detyrua ta kryente vetë porosinë bashkë me ndihmësin e tij Denis Brajovic.  Atëkohë u fol se Ndoji dhe Bajri ishin shokë dhe të dyshuarit i shkuan viktimës në varrim, pinë kafen e ngushëllimit në familjen e tij.

Nga bisedat e përgjuara duket që Bajri dhe Martinaj kanë shkëmbyer objektivët e tyre. Bajri eliminoi Boriçin për interes të Martinajt dhe ky i fundit do të vriste Kleant Musabelliun, vrasje të cilën e kërkonte Pëllumb Gjoka pasi Kleanti kishte tentuar ta vriste në 2017. Vrasja e Kleant Musabelliut nuk u realizua.

*Dosja 'Metamorfoza' u sigurua nga gazetari Elton Qyno.