Arrestimi i Gjokës/ Dekodimi i 'Sky' dhe 'Encro' i nxorri zbuluar: Pëllumb Gjoka plan me Behar Bajrin për të vrarë Kleant Musabelliun! Martinaj porositi vrasjen e Gjin Ndojit! Pagesa 100-110 mijë euro

Mëngjesi i 9 gushtit 2020 në  Vaun e Dejës u trondit nga një atentat. Rreth orës 05:55 minuta në fshatin Shjezë, ekzekutohet me plumb në kokë Gjin Ndoji (Boriçi).

Trupi i tij i pajetë u gjet pak metra larg automjetit tip "BMW", që viktima kishte marrë me qera pak ditë para vrasjes ndërsa në vendngjarje u zbuluan 3 gëzhoja tip kallashnikovi. Pista e hetimit ishin larje hesapesh shkruante shqiptarja.com atëherë.

Pak pas atentatit, 1 km larg vendit ku u qëllua për vdekje i riu u gjet e djegur një makinë që dyshohej se i përkiste autorëve. Makina e djegur  tip "Benz" me targa AA 346 LC të cilat figuronin që ishin denoncuar të vjedhura që më 20 qershor të atij viti në Ishëm

Tre vjet më pas, 27 korrik 2023, Prokuroria e Posaçme SPAK informon se ka zbuluar autorët e dyshuar të këtij krimi të rëndë.

Kanë qenë mesazhet e dekoduara në “Sky” dhe “Encro chat” që kanë zbuluar autorët dhe se Ervis Martinaj donte të vrarë  Ndojin.

Nuk dihet shkaku pse Martinaj e donte të vrarë Ndojin. Ishte Gjoka më pas, që pajtoi Behar Bajrin në Shkodër për të kryer ekzekutimin. Bajri edhe pse kërkoi vrasës jashtë, u detyrua ta kryente vetë porosinë bashkë me ndihmësin e tij Denis Brajovic.  Atëkohë u fol se Ndoji dhe Bajri ishin shokë dhe të dyshuarit i shkuan viktimës në varrim, pinë kafen e ngushëllimit në familjen e tij.

Nga bisedat e përgjuara duket që Bajri dhe Martinaj kanë shkëmbyer objektivët e tyre. Bajri eliminoi Boriçin për interes të Martinajt dhe ky i fundit do të vriste Kleant Musabelliun, vrasje të cilën e kërkonte Pëllumb Gjoka pasi Kleanti kishte tentuar ta vriste në 2017. Vrasja e Kleant Musabelliut nuk u realizua.

Policia e shtetit ka publikuar pamjet e operacionit të arrestimit të tetë personave, nëntë të tjerë janë në kërkim në kuadër të operacionit “Metamorfoza. Nga pamjet e nxjerra nga policia e Shtetit u evidentua se në Shkodër kishte një qendër monitorimi që përdorej nga eksponentët e krimit.

Gjatë operacionit u bë e mundur gjetja dhe sekuestrimi i provave materiale të mëposhtme: 8 armë zjarri (6 pistoleta, 1 automatik, 1pushkë), municion luftarak, 19 karikatorë për mbajtje municionesh, 2 baza për vendosje snajperi, 3 armë gjahu, 2 baza karikues radiosh policie, 2 armë të ftohta, 3 maska, 1 paruke, 8 automjete (4 prej tyre të blinduara), 1 kamera kurth, 2 targa automjetesh, 3 ora dore të markave të shtrenjta, 3 409 000 lekë, 31 205 euro, 4 400 dollarë, 3 USB, 7 DVR, 28 celularë dhe 1 laptop.

TIRANË-  Forcat RENEA, FNSH dhe Forcat Operacionale kanë marrë pjesë në operacionin e arrestimit të anëtarëve të grupit kriminal dhe zyrtarëve të cilët dyshohet se kanë bashkëpunuar me ta, mes tyre ish-shefi i operacionales Oltion Bistri e prokurori i Kukësit, Xhevahir Lita dhe Ardit Hasanbegaj.

Në kuadër të operacionit të koduar ‘Metamorfoza’, janë ekzekutuar masat ‘arrest me burg’ për 6 persona biznesmenin Pëllumb Gjoka, shoqëruesi i tij Edmond Preka, Ardit Hasanbegaj, Astmer Bilali, Oltion Bistri e Xhevahir Lita. 

Gjithashtu gjatë operacionit u arrestuan në flagrancë Sabjan Troshani, 21 vjeç, dhe Nehat Fojleta, 24 vjeç, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Veprime që pengojnë zbulimin e së vërtetës”.

Ndërkohë janë ende në kërkim për 9 persona, mes tyre Behar e Denis Bajri dhe Ervis Martinaj, Elion Hato, Prek Kodra, Klaudio Haka, Aleks Ndreka, Arsat Bashli e Bardhyl Mavraj. Gjithashtu gjatë operacionit u arrestuan në  flagrancë Sabjan Troshani dhe Nehat Fojleta.

Policia e Shtetit ka publikuar videon e megaoperacionit të koduar "Metamorfoza" ku duket që forcat speciale kanë angazhuar edhe dronë.

Gjatë kontrolleve të ushtuara në Shkodër, Lezhë, Vlorë dhe Tiranë, policia gjeti dhe sekuestroi një arsenal armësh, 8 armë zjarri (6 pistoleta, 1 automatik, 1pushkë), municion luftarak, 19 karikatorë për mbajtje municionesh, 2 baza për vendosje snajperi, 3 armë gjahu, 2 baza karikues radiosh policie, 2 armë të ftohta, 3 maska, 1 paruke, 8 automjete (4 prej tyre të blinduara), 1 kamera kurth, 2 targa automjetesh. Po ashtu policia ka sekuestruar 3 ora dore të markave të shtrenjta, 3 409 000 lekë, 31 205 euro,  4 400 dollarë,  3 USB, 7 DVR, 28 celularë dhe 1 laptop. Armët e sekuestruara dhe provat e tjera materiale do të dërgohen në laboratorin e Policisë Shkencore në Institutin e Policisë Shkencore, për ekzaminime të mëtejshme.

Akuzat

Pëllumb Gjoka, 49 vjeçar banues në Tiranë, u arrestua për: “Vrasja me paramendim”, kryer në formë të veçantë të bashkëpunimit, atë të grupit të strukturuar kriminal,  “Grupi i strukturuar kriminal” “Kryerja e veprave penale nga grupi i strukturuar kriminal dhe organizata kriminale”.

Akuza kanë lidhje me vrasjen e shtetasit  Gjin Ndojt, (i njohur dhe si Gjin Boriçi) ndodhur në Shkodër më 9 gusht 2020

-“Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal” Akuza ka lidhje me plagosjen e Kleant Musabelliut ndodhur në shtator 2020

 “Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal” në dëm të shtetasve Dorjan Dhuli, Ibrahim Lici. Ngjarja e ndodhur në 2020

-“Korrupsion aktiv i gjyqtarit, prokurorit dhe i funksionarëve të tjerë të drejtësisë”, kryer në bashkëpunim; 

-“Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim, në formën e grupit të strukturuar kriminal.

Edmond Preka 46 vjeç, banues në Velipojë, u arrestua si i dyshuar për veprat penale: “Vrasje me paramendim”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”. Akuza kanë lidhje me vrasjen e shtetasit  Gjin Ndojt, (i njohur dhe si Gjin Boriçi) ndodhur në Shkodër më 9 gusht 2020

-“Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal” në dëm të shtetasit Kleant Musabelliu.

-“Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim në formën e grupit të strukturuar kriminal”.

Astmer Bilali, 34 vjeç, banues në Shkodër, u arrestua si i dyshuar për veprat penale “Sigurimi i kushteve dhe i mjeteve materiale për të kryer vrasje”, kryer në bashkëpunim të veçantë atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal” në dëm të shtetasve Dorjan Dhuli, Ibrahim Lici dhe Gent Tafili.

Ardit Hasanbenga, 41 vjeç, banues në Tiranë, u arrestua si i dyshuar për veprat penale “Sigurimi i kushteve dhe i mjeteve materiale për të kryer vrasje”, kryer në formë të veçantë te bashkepunimit, ate të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal” në dëm të shtetasve Dorjan Dhuli, Ibrahim Lici.

Oltion Bistri, 41 vjeç, banues në Tiranë, u arrestua si i dyshuar për veprat penale “Shpërdorimi i detyrës” dhe “Zbulimi i akteve ose te dhenave sekrete”;

Xhevahir Lita, 50 vjeç, u arrestua për veprat penale “Korrupsioni pasiv i gjyqtarëve, prokurorëve dhe funksionarëve të tjerë të organëve të drejtësise”, kryer dy herë dhe “Grup i strukturuar kriminal”.

Janë shpallur në kërkim shtetasit

Behar Bajri Brahovic, 43 vjeç nga Shkodra
Denis Bajri Brahovic,45 vjeç nga Shkodra 
 Elion Hato  33 vjeç, nga Shkodra 
Arsat Bashli, 26 vjeç nga Shkodra 
Bardhyl Marvraj,  41 vjeç,nga Shkodra 
E. R., 41 vjeç, banues në Kurbin;
Klaudio Haka, 33 vjeç, banues në Pukë;
Prek Kodra 47 vjeç, banues në Malësi të Madhe;
Aleks Ndreka, 46 vjeç, banues në Lezhë

Strukturat e Policisë së Shtetit, në bashkëpunm me Prokurorinë e Posaçme kundër Korrupsionit dhe Krimit të Organizuar, vijojnë punën hetimore për dokumentimin e plotë të veprimtarive kriminale të këtyre shtetasve, si dhe për kapjen e shtetasve të shpallur në kërkim. 

Në dosjen voluminoze të SPAK pas zbërthimit të bisedave në aplikacionin Sky dhe Encro prej autoriteve franceze, që çoi në arrestimin e disa personave, del edhe emri  i Prek Kodrës, snajperistit të verifikuar për disa vrasje në Shqipëri dhe Kosovë.  kEmri i Kodrës doli dhe në një raport të Shërbimit Informativ Shtetëror, ku flitej si një nga personat që do kryenin vrasjen e kryeministrit të Kosovës, Albin Kurti.

Informacioni për vrasjen e mundëshme të Kurtit, doli në një nga emaelet e ish drejtorit të Përgjithshëm të Policisë, Gledis Nano që u publikua nga hakerat iranianë. Në një dokument secret, publikuar edhe në mediat e Kosovës, Njësia Kundër Terrorizmit vendase në vitin 2021, kishte marrë informacione për atentat ndaj kryeministrit, Albin Kurti, të Ismet Haxhës, ish-anëtar i Shërbimit Informativ  Xhavit Halitit, ish-deputet.

I dyshuari ishte Prek Kodra, shtetas shqiptar. Në dokument thuhej se ai ka aftësi të mira në përdorimin e snajperëve dhe dyshohej se ishte përfshirë në disa vrasje në Kosovë dhe Mal të Zi. Në emisionin Pressing, në T7, Kodra ka mohuar gjithçka rreth akuzave në drejtim të tij.

“Ç’ka me spjegu, se është diçka që vetëm kanë shpik sikur kanë shpik persona të paidentifikum për mu, Albin Kurtin e njoh vetëm përmes televizionit, unë nuk e njof dhe nuk kam asnjë lidhje në Kosovë për asnjë lloj qëllimi të keq. Më vjen keq, më keni akuzu, po më merrni në qaf mu edhe familjen teme”, ka thënë ai.

Por në dosjen e SPAK, ende nuk dihet roli i tij konkret, por nga bisedat e zbuluara në aplikacionet Encro dhe Sky, porositësit e vrasjeve flisnin lirshëm për punët e tyre.

Sipas të dhënave të policisë Prekë Kodra jetonte në Shkodër, ndërsa vepronte në Tropojë, Ferizaj dhe Deçan të Kosovës. Sipas Policisë Shqiptare, ky person është hetuar për vrasje me paramendim dhe mbajtje pa leje të armëve të gjahut. Ai ka qenë i shpallur në kërkim në vitin 2016, ndërsa pas kontrolleve në banesë iu gjetën dy armë gjahu dhe 90 fishekë. Kodra konsiderohej si person me rrezikshmëri të lartë.

Report TV zbulon se në një bisedë të përgjuar Pëllumb Gjoka me Behar Bajrin në lidhje me një vrasje, ky i fundit i tregonte se ka kontaktuar me persona të tjerë, shtetas të huaj të cilët kërkojnë  100 – 110 mijë euro.

Biznesmeni i thoshte: S’ka problem! Mjafton që ta bëjmë mirë këtë vrasje

Bajri ia kthen: Jo aq, më mirë po e bëjmë vetë sa ti japim aq shumë këtyre personave.

Në megaopracionin e fundit të zhvilluar nga SPAK janë zbardhur dhe identifikuar autorët e disa vrasjeve dhe atentateve të kryera në Shkodër.  Gjatë hetimeve intensive të kryera nga hetuesit e B.K.H.-së, nën drejtimin e prokurorëve të posaçëm, është bërë e mundur dokumentimi i aktivitetit kriminal të personave të dyshuar, si dhe identifikimi i disa prej autorëve të ngjarjeve kriminale të ndodhura si më poshtë:

• Identifikimi i autorëve të dyshuar të vrasjes së shtetasit Gjin Boriçi Ndoji, ndodhur në Shkodër në muajin gusht të vitit 2020.

• Identifikimi i autorëve të dyshuar të vrasjes së mbetur në tentativë të shtetasit Taulant Pepaj, ndodhur në Shkodër në muajin shkurt 2021.

• Identifikimi i autorëve të dyshuar në lidhje me sigurimin e kushteve për vrasjen e shtetasit Kleant Musabelliut ndodhur në Tiranë gjatë vitit 2020.

• Identifikimi i autorëve të dyshuar në lidhje me sigurimin e kushteve për vrasjen e shtetasve Dorjan Dhuli, Ibrahim Licit dhe Genc Tafili, ndodhur gjatë vitit 2020.

GJKKO ka lëshuar 15 urdhër arreste, ndër të cilët 6 të arrestuar. GJKKO ka caktuar masën ‘arrest me burg’ për 15 shtetas të dyshuar si autorë të kryerjes së veprave penale. Konkretisht për shtetasit Behar Bajri; Ervis Martinaj; Pëllumb Gjoka; Edmond Preka; Ardit Hasanpapaj; Astmer Bilali; Elion Hato; Oltion Bistri; Xhevahir Lita; Denis Brahoviç

Sali Berisha ka akuzuar biznesmenin Pëllumb Gjoka dhe gjyqtarin Hallunaj se ka shpëtuar këtë të fundit nga burgu për vrasje.

“Eksponenti tjetër i krimit që u arrestua dje, nëse do kishte një emër të dytë, do të quhej në mënyrë absolute vetëm Edi Rama.

Për habinë tuaj, ky është Pëllumb Gjoka.

I njohur botërisht si mik i Edi Ramës, si investitori strategjik i Edi Ramës, si njeriu, i cili kishte vrarë në vitin 1998 dhe plagosur një tjetër, si njeriu i cili kishte grabitur 390 mijë metër katrorë tokë në rërën e Velipojës, dhe si njeri i cili kishte marrë lejen nga Edi Rama për të ndërtuar ‘Silver City’-n e tij, por si njeriu që ishte arrestuar në Itali, kishte kryer krime monstruoze në Itali. Bandit, sipas medieve të njohura italiane.

Po ju lexoj një status të datës 23 gusht të vitit 2019.

“Pëllumb Gjoka, miku i Edvin Mafisë, është jo vetëm trafikant, por edhe vrasës. Ai ka vrarë njeri në Velipojë dhe dosja i është mbyllur nga gjykatësin Dritan Hallunaj. Ky i fundit kaloi vetingun pasi Pëllumb Gjoka pagoi 1 milionë euro.

Në restorantin e Gjokës, Rama shtron dreka dhe darka. Në vitin 1998, ai ka vrarë një person të quajtur Gjon. Ai përveçse trafikant, është edhe vrasës, por nuk ka bërë asnjë ditë burg.

Gjyqtari Dritan Hallunaj i ka mbyllur dosjen për vrasje dhe plagosje. Gjithashtu thuhet se Pëllumb Gjoka ka paguar 1 milion euro për vetingun e Dritan Hallunit. Përveç kësaj, Halluni është gjykatësi që ka liruar në sallën e gjyqit Arben Frrokut, vrasësin e komisarit Dritan Lamaj”.

“Përshëndetje doktor, dua të denoncoj vrasësin dhe trafikantin Pëllumb Gjoka të arrestuar në Itali. Këtu në Shqipëri, falë miqësisë me Edi dhe Olsi Ramën, me njohje dhe hyrje-dalje familjare me të, nuk e prek askush sa kohë që mbledh votat në Velipojë për ta. Kjo OFL pse nuk dërgon formular për Pëllumb Gjokën? Ku i bëri 56 milionë euro pasuri”.

“Pëllumb Gjoka drejtor parcelat e kanabisit dhe serat në zonën e Velipojës, me punëtorë që i marrin me autobusë hapur fare. Këto ditë është intensifikuar puna se me datë 25 fillojnë korrjet. Dy nëndrejtorët e Policisë së Shkodrës, bashkëpunojnë me Pëllumb Gjokën, i cili kontrollon tërësisht zonat e kanabisit”.

“Edi Rama i jep leje mikut të tij për resort turistik në Velipojë”.”- tha Berisha.

Zbulohen emrat për të cilët gjykata ka firmosur më 23 korrik masën e sigurisë arrest me burg. Janë firmosur 15 urdhërarreste por Report TV për momentin ka arritur të sigurojë 10

Behar Bajri - Anëtar i bandës së Bajrave në Shkodër  - Në kërkim

Ervis Martinaj- I shumëkërkuari, bosi i lojërave të fatit. - Në kërkim

Pëllumb Gjoka- Biznemeni i plazhit 'ADA' në Velipojë  - I arrestuar

Edmond Preka- Shoqëruesi i biznesmenit Pëllumb Gjoka I arrestuar

Ardit Hasanpapaj- Ish komisari i Beratit - I arrestuar

Astmer Bilali- Anëtari i Bajrave, ish boksier i Vllazënisë - I arrestuar

Elion Hato - Miku i Ervis Martinaj   Në kërkim

Oltion Bistri  - Ish shefi i Operacionales   I arrestuar

Xhevahir Lita - Prokurori i Kukësit  I arrestuar

Denis Brajoviç - Dyshohet se është anëtar i grupit të Bajrave  -   Në kërkim

Klaudio Haka - Në kërkim

Prek Kodra -  Në kërkim

Aleks Ndreka - Në kërkim

Arsat Bashli - Në kërkim

Bardhyl Marvraj - Në kërkim

Elion Hato - Në kërkim

Prokuroria e Posaçme ka sjellë njoftimin zyrtar ër operacionin e djeshëm ku u arrestuan zyrtarë, prekurorë e eksponent të krimit. SPAK ka renditur a12 vepra penale si dhe ka kontrolluar 26 ambiente.

Njoftimi i plotë:

Më datë 16.01.2023 Prokuroria e Posaçme, ka regjistruar procedimin penal Nr.9 i vitit 2023, për veprat penale “Vrasja me paramendim”, “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, “Korrupsion aktiv i gjyqtarit, prokurorit dhe i funksionarëve të tjerë të drejtësisë”, “Heqja e paligjshme e lirisë”, “Shpërdorimi i detyrës”, “Ekspertimi i rremë”, “Fallsifikimi i dokumenteve”, “Trafikimit të narkotikëve”, “Mbajtja pa leje dhe prodhimi i armëve, armëve shpërthyese dhe municionit”, në bashkëpunim në formën e “Grupit të strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, “Pastrimi i produkteve të veprës penale ose veprimtarisë kriminale”, vepra këto të parashikuara nga nenet 78, 319/ç, 319, 110, 248, 309, 278, 283/a, 333/a, 334 dhe 287 të Kodit Penal.

Në kuadër të këtij procedimi, Struktura e Posaçme Kundër Korrupsionit dhe Krimit të Organizuar, në bashkëpunim intensiv me Eurojust, Europol dhe agjencitë ligjzbatuese belge, hollandeze dhe franceze, ka zhvilluar hetime lidhur me disa shtetas shqiptarë të përfshirë në aktivitet kriminal në Shqipëri dhe në disa vende europiane. Po ashtu është hetuar edhe lidhur me disa ngjarje kriminale të mëparshme të ndodhura në Shqipëri në vitet 2019 – 2022.

Gjatë hetimeve intensive të kryera nga hetuesit e B.K.H.-së, nën drejtimin e prokurorëve të posaçëm, është bërë e mundur dokumentimi i aktivitetit kriminal të personave të dyshuar, si dhe identifikimi i disa prej autorëve të ngjarjeve kriminale të ndodhura si më poshtë:

• Identifikimi i autorëve të dyshuar të vrasjes së shtetasit Gj. B., ndodhur në Shkodër në muajin gusht të vitit 2020.

• Identifikimi i autorëve të dyshuar të vrasjes së mbetur në tentativë të shtetasit T. P., ndodhur në Shkodër në muajin shkurt 2021.

• Identifikimi i autorëve të dyshuar në lidhje me sigurimin e kushteve për vrasjen e shtetasit K.M., ndodhur në Tiranë gjatë vitit 2020.

• Identifikimi i autorëve të dyshuar në lidhje me sigurimin e kushteve për vrasjen e shtetasve D. D., I. L. dhe G. T., ndodhur gjatë vitit 2020.

Gjatë hetimeve të kryera nga SPAK, është bërë e mundur të dokumentohet se persona me precedent kriminal, të dënuar për vepra të rënda penale, kanë kryer edhe ngjarje të tjera kriminale për të cilat vijojnë hetimet.

Janë dokumentuar gjithashtu vepra penale të kryera nga zyrtarë publik, punonjës të policisë së shtetit të nivelit drejtues, punonjës të policisë të shtetit të nivelit të lartë drejtues, si dhe prokuror, të cilët cënonin funksionimin e rregullt të shtetit ligjor dhe sundimin e ligjit.

Bazuar në kërkesën e Prokurorisë së Posaçme, Gjykata e Posaçme e Shkallës Parë për Korrupsionion dhe Krimin e Organizuar, me vendimin nr.94, datë 23.07.2023 ka miratuar masat e sigurisë personale “arrest në burg”, për 15 shtetas të dyshuar si autorë të kryerjes së veprave penale. Konkretisht për shtetasit B.B., E.M., P.Gj., D.B., E.P., K.H., P.K., A.B., A.N., B.M., E.H., A.B., A.H., O.B. dhe Xh.L.

Gjithashtu me vendimin nr.314, date 24.07.2023 ka miratuar kërkesën për lejimin e kontrollit të 14 ambjenteve të ndryshme.

Më datë 27.07.2023 Drejtoria e Përgjithshme e Policisë së Shtetit dhe Byroja Kombëtare e Hetimit, nën drejtimin e Prokurorisë së Posaçme kanë ekzekutuar urdhërat për ekzekutimin e vendimit penal nr.94, date 23.07.2023, për 6 shtetas, konkretisht shtetasit P.Gj., E.P., A.B., A.H., O.B. dhe Xh.L. Gjithashtu janë arrestuar në flagrance 2 shtetas të tjerë, S.T. dhe N.F., si të dyshuar për veprën penale të parashikuar nga neni 278 i Kodit Penal.

Gjatë ekzekutimit të vendimeve të gjykatës është ushtruar kontroll në 26 banesa dhe ambjente ku janë gjetur dhe sekuestruar në cilësinë e provës materiale shuma monetare, automjete të ndryshme, telefona, armë zjarri të ndryshme, maska, pajisje elektronike, pajisje elektronike monitorimi (servere dhe kamera) me të cilat monitoreshin ambjente të jashtme në zona të ndryshme të qytetit të Shkodrës:

Falenderojmë Policinë e Shtetit për profesionalizmin e treguar dhe bashkëpunimin e ngushtë gjatë fazës së ekzekutimit të vendimeve të gjykatës.

Falenderim i veçantë për Eurojust, Europol, Autoritetet Gjyqësore Franceze dhe agjencitë ligjzbatuese belge, hollandeze dhe franceze, për bashkëpunimin intensiv dhe kontributin e dhënë në kuadër të hetimeve të këtij procedimi penal.

Përgjimet kanë zbuluar se vrasja e Gjin Ndojt është porositur nga Ervis Martinaj. E kanë kryer Denis Brahovic dhe Behar Bajri. Viktima i kishte sharë dhe këto e kanë masakruar me plumba. Këto biseda janë bërë edhe në aplikacionin SkY.

Gjin Ndoj u vra në prill të 2020. 

Kreu i SPAK Altin Dumani por dhe ish kreu i këtij institucioni Arben Kraja kanë në dorë hetimet. Procedimi ka nisur në korrik.
 

Përgjimet kanë zbuluar dhe biseda të biznesmenit Pëllumb Gjoka me Ardit Hasanbengën, ish Shefin e Seksionit për Krimet, në Komisariatin e Policisë Berat.

 Bëhet fjalë për biseda mes tyre gjatë kohës që Hasanbega ka qenë me detyrë në policinë e Shkodrës.

Gazetarja e Report TV mëson se Pëllumb Gjoka i ka kërkuar të mos hetojë një vrasje përderisa nuk ka prova.

Burime për gazetaren e Report Tv, Keti Banushi thonë se prokurori i Kukësit Xhevahir Lita ndërhynte në proceset ndaj Bajrajve duke u pushuar akuzat apo mbyllur hetimet por duke ndërhyrë edhe tek procese të tjera që nuk i kishte vetë.

Oltion Bistri, ish-shefi i Operacionales, i arrestuar një ditë më parë nga Policia e Shtetit në kuadër të operacionit të SPAK që zbardhi disa ngjarje të rënda kriminale, komunikonte me bosin e lojërave të fatit Ervis Martinajn. Burime për Report Tv nga dosja, bëjnë me dije se sipas SPAK, janë zbuluar komunikime të Oltion Bistrit me Ervis Martinajn, duke i dhënë informacione në lidhje me aksionet që bëheshin për kapjen e tij.

Ne foto: Kleant Musabelliu dhe Pellumb Gjoka

Pellumb Gjoka ka kërkuar tek Behar Bajrajt vrasje të disa personave, mes tyre edhe Kleant Musabelliun që  kishte plagosur më parë në këmbë.

Në përgjime është zbuluar dhe plani për vrasjen e Kleantit, i cili në vitin 2017 mbante postin e specialistit të SHKB-së së burgjeve në Drejtorinë e Përgjithshme më 11 shtator 2017 kishte plagosur në këmbë Pëllumb Gjokën.

Nga përgjigjet zbulohet se Musabelliu është tentuar të vritet. Është bërë fotografikimi i objektivit dhe i kanë dhënë të gjitha informacionet për hyrje daljet e tij në rrugicat

Ne foto: Pellumb Gjoka dhe Behar Bajri

Përgjimet fundosin grupin kriminal qe u godit dje nga SPAK dhe u arrestuan Oltion Bistri, Xhevahir Lita, Ardit Hasannega, etj.

Pëllumb Gjoka ka kërkuar tek Behar Bajrajt vrasje të shumë personave, mes tyre edhe Kleanth Musabelliun që e plagosi më parë në këmbë.
 
Ndërkohë vrasjen e Gjin Ndojt e ka porositur Ervis Martinaj. E kanë kryer Denis Brahovic dhe Behar Bajri. Viktima i kishte sharë dhe këto e kanë masakruar me plumba. Këto biseda janë bërë edhe në aplikacionin Sky. Pas vrasjes së Gjin Ndojit ne 2020 te dyshuarit i kanë shkuar edhe në varrim, informon Keti Banushi, gazetarja e Report TV. 

Behari i shpjegon se kishte kontaktuar persona të ndryshëm  jo shqiptare, por kombësi të tjera për të realizuar vrasjen por me vone rezulton se vrasjet i kryejnë shtetas shqiptarë.

Ne biseda flitet për shumat që do te paguheshin për realizimin e vrasjeve.

Në biseda Pellumb Gjoka thotë që të jepen sa para kërkohen vetem vrasja të kryhet.

Pas vrasjes së Gjin Ndojit ne 2020 te dyshuarit i kanë shkuar edhe në varrim, informon Keti Banushi, gazetarja e Report TV.