X

POP 5

Lajmet më të lexuara të 5 minutave të fundit

Kronikë

Dosja për tjetërsimin e pronave në Shëngjin, ish-deputeti i PS-së i pandehur, pushohet çështja për vëllain e tij (VIDEO)

Ish-deputeti i Partisë Socialiste së bashku me 14 persona të tjerë u morën të pandehur në kuadër të dosjes 339/1, si të implikuar në skemën e tjetërsimit të pronave në zonën e “Rranës së Hedhun” në Lezhë.

TIRANE- Ish-deputeti i Partisë Socialiste, Arben Ndoka merret zyrtarisht i pandehur. Gjykata e Posaçme kundërK të Organizuar dhe Korrupsionit në seancën paraprake këtë të enjte, vendosi të kalojë për gjykim dosjen e prokurorisë. Por çështja për tjetërsimin e pronave u pushua për vëllain e Arben Ndokës, Xhevi Ndoka.

Ish-deputeti i Partisë Socialiste së bashku me 13 persona të tjerë u morën të pandehur në kuadër të dosjes 339/1, si të implikuar në skemën e tjetërsimit të pronave në zonën e “Rranës së Hedhun” në Lezhë.

Ndaj të pandehurve të kësaj dosje dy prokurorët e çështjes Vladimir Mara dhe Dritan Prençi kanë ngritur akuzën e “Falsifikimit të dokumenteve”, “Pastrimit të produkteve të veprës penale”, Falsifikimi i vulave, stampave ose i formularëve”, “Shpërdorimi i tokës” dhe “Grup i strukturuar kriminal”.  

Mes personave të marrë të pandehur për tjetërsimin e pronave në Lezhë është dhe motra e ish-deputetit Arben Ndoka, Mimoza Ndoka, si dhe xhaxhai i tij Gjok Ndoka. Po kështu persona të tjerë që janë vënë nën akuzë dhe shumë shpejt pritet të dalin para gjykatës si të pandehur janë dhe Erald Osmaci, Bledar Cara, Bled Ndoka, Lule Zeneli dhe persona të tjerë.

Për këtë çështje prokuroria ka sekuestruar dhe 300 mijë m2 tokë në zonën e Ranës së Hedhun në plazhin e Shëngjinit. Arben Ndoka,u ndalua në pasditën e 21 tetorit të vitit 2018, së bashku me të vëllanë, Xhevahir Ndoka. Ndërkohë në mars 2018, Policia e Lezhës hetoi një grup tjetër kriminal që ishte i lidhur me abuzimet e tokave në zonën e Shëngjinit dhe ndaloi 12 persona, mes tyre edhe ish-kryetarin e Bashkisë Lezhë të PD-së, Fran Frrokaj. Në atë kohë u arrestuan 12 persona. Prej tyre 9 ishin zyrtarë të bashkisë dhe drejtorisë së bujqësisë në Lezhë, ndërsa tre të tjerë përfitues të paligjshëm të pronave. Tashmë procesi kundër ish-kryebashkiakut të Lezhës Fran Frrokaj dhe personave të tjerë ka mbetur në fazën e dhënies së pretencës nga prokuroria e Lezhës.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?

Lajme të tjera



×

Lajmi i fundit

Shefi i ushtrisë izraelite thotë se Izraeli do t’i përgjigjet sulmit të Iranit

Shefi i ushtrisë izraelite thotë se Izraeli do t’i përgjigjet sulmit të Iranit

15 Prill, 23:00