POP 5

Lajmet më të lexuara të 5 minutave të fundit

Kronikë

DPSHTRR dhe Rrugorja projekt-draft për patinat elektrike: Të mos lejohen nën 16 vjeç dhe të kenë kod unik për identifikim! Baka: Jeleku fosforeshent, i detyrueshëm

Monopatinat elektrike, njëjtë si makinat me numër shasie do duhet të kenë një kod unik për tu identifikuar sa prej tyre ka në qarkullim. Nisur nga aksidentet në rritje, Report Tv mëson se do të ndryshohet kodi rrugor për të mos lejuar përdorimin e monopatinave nën moshën 16 vjeç dhe as pa kaska mbrojtëse

Një kod unik i njëjtë me numrin e shasisë në automjete po mendohet të jetë i detyrueshëm edhe për monopatinat elektrike të cilat qarkullojnë në rrugë, ndërsa parashikohet të vendosur edhe një moshë minimale për përdoruesit.

Burimet për Report Tv konfirmuan projektin draftin që po hartohet nga Drejtoria e Përgjithshme e Shërbimeve të Transportit Rrugor, në bashkëpunim me Policinë Rrugor.

“Në diskutimet që kemi hasur kërkohet një regjistrim e kësaj kategorie, për të ditur se sa mjete të kësaj kategorie qarkullojnë në rrugët e Shqipërisë. Diskutohet që mosha minimale të jetë 16 vjeç, por është ende herët sepse janë ekspertët ata që po e studiojnë projekt/draftin dhe do të dalin me konkluzionet përfundimtare”- u shpreh Gerhard Baka, specialist i qarkullimit rrugor.

Veç kaskës mbrojtëse, në projektin për ndryshime në Kodin Rrugor po shqyrtohet  mundësia që të tjera pajisje shtesë për sigurinë e përdoruesve të jenë të detyrueshme.

“Është shumë mirë që përdoruesit e biçikletave dhe këtyre kategorive të jenë të pajisur me pajisje shtesë, siç janë gjunjëzat dhe krahoret, kaska është e detyrueshme të përdoret, shpresojmë të vendosin dhe jelekun fosforeshent”- shtoi Baka.

Në shumë raste, motorët elektrike të cilët kanë një fuqi motorike më të lartë se monopatinat dhe biçikletat, qarkullojnë në korsinë e dedikuar për këto të fundit, duke u bërë shkak për aksidente.

“Ata duhet të kalojnë në krahun e rrugës dhe nuk duhet të qarkullojnë në korsinë e biçikletave sepse ajo është e dedikuar vetëm për çiklistët dhe patinat elektrike”- nënvizoi specialisti i qarkullimit rrugor.

Prej muajit gusht 2023 kur ka nisur aplikimi i masave administrative për monopatinat elektrike deri më 5 janar 2024, janë vendosur 296 gjoba, duke përfshirë të gjitha shkeljet si; “mos qarkullimi në korsinë e duhur”, “kalimi me semafor të kuq” apo dhe “mosmbajtja e mjeteve mbrojtëse”.

Viti 2023 u mbyll me 48 aksidente që përfshijnë monopatinat elektrike, me 31 të plagosur lehtë dhe 1 viktimë. Të tilla shifra dhe monitorimet e fundit nga Policia Rrugore kanë bërë që autoritetet përgjegjëse të ndërmarrin hapa konkretë siç është dhe ndërhyrja në Kodin Rrugor.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 14/02/2024 06:58

    Po kalamajt me benca apo bmw nga 5 metra te gjat i shef ky shtet apo jo? Ne gjith vendet e zhvilluara ka ligje ne raportin e moshes me fuqin motorrike te mjeteve dhe ligji per sigurin esht njesoj per te gjith

    Përgjigju
    • Or tej: 14/02/2024 09:10

      Nuk eshte prioritet sic duket perderisa e kemi pa patente shefin e gjate or teeeejjjjj

  • Tirana: 13/02/2024 20:06

    Jeleku fosforoshent duhet te behet e detyrueshme edhe per biçikletat ne zonat rurale mungon ndriçimi gjate nates dhe personat qe qarkullojne me biçikleta jane burim aksidenti

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu