Dr Imam Ahmed Kalaja: Ja si nisi rruga ime drejt besimit dhe bamirësisë

Një rrëfim ndryshe ka qenë ai i Dr Imam Ahmed Kalasë ditën e sotme në një lidhje skype në emisionin "Rreze Dielli". Shumë ndryshe nga sa jemi mësuar ta dëgjojmë, sot i ka dedikuar disa minuta vetes, duke rrëfyer sesi nisi rrugën drejt bamirësisë.

Ka qenë viti 2003 kur ka nisur për herë të parë drejt misionit të bamirësisë. Djegia e një banese diku jashtë Tirane, ka qenë indicia e parë për Dr. Imam Ahmed Kalanë, i cili prej tashmë 17 vitesh është pjesë e misionit për të ndihmuar njerëzit në nevojë. Në një lidhje skype në emisionin “Rreze Dielli” ai rrëfeu sesi nisi misionin për të qenë pranë njerëzve me të cilët fati u tregua I padrejtë.

“Më ke kthyer në vitet 2002-2003 kur për herë të parë nisëm të merremi me aktivitete të tilla. Ishte një shtëpi që u dogj jashtë Tiranës dhe kemi bërë thirrje për herë të parë dhe ne e rregulluam. Që prej atij momenti I vendosëm vetes detyrë që të merremi me raste të tilla. U munduam që një herë në muaj të ndihmonim për familjet, aty ku kishte raste ekstreme.  Ka qenë rasti I një shtëpie të djegur diku jashtë Tirane me të cilën nisëm. Më pas ka patur dhe raste të tjera, operacione, ndërhyrje kirurgjikale, njerëz në nevojë, tashmë prej 17 vitesh.” shprehet Imam Kalaja. 

Lajmi kryesor:

'Shpresojmë që Natën e Kadrit të hapen dyert e vendeve të shenjta për besimtarët!' Ahmed Kalaja: Xhamitë humbën funksionin e faljes, por janë kthyer në vatra bamirësie

D.M./Shqiptarja.com

TAG:
• bamirësi
• ahmed kalaja
• rrezedielli