TIRANE - Kryetari i komisionit të ligjeve Fatmir Xhafaj ka kritikuar ashpër presidentin Bujari Nishani, se nuk po reagon në lidhje situatën tejet problematike në sistemin e drejtësisë.

Xhafaj duke folur në mbledhjen e komisionit, e vlerësoi si absurd qëndrimin e presidentit Nishani, në një kohë që Këshilli i lartë i drejtësisë është bërë një koorporatë, dhe gjykatat janë zhytur në korrupsion.

Prej kohësh mazhoranca dhe presidenti që njëkohësisht është edhe kryetari i këshillit ta lartë të drejtësisë, janë përfshirë në debate për disa ndryshime në ligjin për funksionimin e këshillit të lartë të drejtësisë.

Për presidentin mazhoranca po cënon pavarësinë e gjyqsorit. 

Redaksia online
(f.m/shqiptarja.com)