POP 5

Lajmet më të lexuara të 5 minutave të fundit

Politikë

‘Drejtimi i PD, fitore e pandershme, por e vetmja për Bashën’, analistët: ‘ Analiza e PD’, fushatë spastrimi

Për analistin Ben Andoni, analiza e nisur nga demokratët për zgjedhjet e 25 prillit, do të shërbejë si një fushatë spastrimi në PD. Bashën e kritikon se iu shmang përgjegjësisë së humbjes, ndërsa thotë se marrja e partisë për herë të tretë, ishte e pandershme. 

Analizën e verës 2021, të cilët demokratët e kanë përcaktuar si rrugën që do t’i tregojë përse humbën zgjedhjet e 25 prillit, analistët e shohin si një përpjekje të lidershipit të selisë blu, për të deleguar përgjegjësinë e humbjes.

 “Zakonisht kryetarët për shkak të etikës politike, mbajnë përgjegjësi, por Basha e ka shmangur.  Analiza është e mirë kur nis nga premisa të drejta, por kjo nuk ka ndodhur. Analiza e PD ishte i vetmi proces që duhej bërë si duhej, por nuk është nisur nga premisa të drejtë", thotë analisti Ben Andoni.

Për analistin Ben Andoni analiza e PD do të pasohet nga fushatë e drejtpërdrejtë pastrimi nëpërmjet Kuvendit Kombëtar më 17 korrik.

“Akti që parashihet, do jetë një akt i pastër spastrimi dhe kjo nuk është e shëndetshme për PD. Sido që të jetë Nishani është një njeri me kontribute dhe i vlen PD-së. Djerrja që po i bën PD-së nuk thotë asgjë më shumë se ajo që do të ndodhë më 17 korrik, më shqetësuese është ikja e atyre që nuk gjejnë më frymëzim dhe ide në këtë parti, sesa rikonceptimi”, vijon Andoni.

Kryedemokratin Basha e konsideron një njeri të ngopur me pushtet, ndonëse pa pushtet. I ndodhur në pozicionin komod të kryetarit të partisë më të madhe opozitare, Andoni thotë se humbja e garës elektorale Bashës nuk i krijon shqetësim.

 “Basha është i ngopur me pushtet, pa pushtet, që dmth që është në krye të PD, ka fituar për herë të tretë, janë fitoret e vetme që mund të gëzojë, por janë fitore jo të ndershme. Ai po shijon momentet më të këndshme në karrierën e tij politike. Ka humbur, por nuk i krijon shqetësime sepse ka shmangur  ata që mund ta kritikojnë. Do mbretërojë edhe për katër vitet e ardhshme, por nuk po prodhon asnjë alternativë”, thotë Ben Andoni.

Edhe raportin e kryedemokratit Basha me aleatët, Andoni e sheh si të pasinqertë, përsa kohë pas humbjes së zgjedhjeve, krerët e partive të vogla u mjaftuan me marrjen e mandatit dhe ndaluan kritikat e tyre në drejtim të udhëheqësit të opozitës.

K.T.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46