'Drejtonte' Tabakun në mbledhjen e Komisionit Hetimor, anëtarja e AMA-s Desada Metaj: Jam e opozitës dhe vazhdoj të jem çdo ditë

Desada Metaj, e votuar nga Kuvendi si anëtare e AMA-s, u vu sot në qendër të vëmendjes pasi jo vetëm ka qenë e pranishme në mbledhjene  Komisionit Hetimor për Inceneratorët por edhe bënte ndërmjetësen mes Tabakut dhe gazetarëve të tjerë pro opozitës për ta këshilluar kryetaren e komisionit për pyetje.

Metaj ka reaguar sot duke e pranuar se i përket opozitës dhe do të vazhdojë të jetë.

"Ermonela Felaj, përfaqësuese e Partisë Socialiste në komisionin hetimor të inceneratorëve ka shprehur shqetësimin për prezencën time në këtë komision meqë si e votuar nga parlamenti për AMA-n nuk e lejon ligji. Pra këta dashnorët e zbatueshmërisë së ligjeve, që me këto ligje kanë vjedh dhe abuzuar miliona euro me inceneratorët u intimidokan nga prezenca ime pa të drejtë fjale... duket që i kanë punët në vijë. Sa për vendin në bordin e AMA-s, ato janë vende të opozitës dhe i takojnë asaj. Nëse shqetësohen dhe për kaq mund të kërkojnë largimin. Votat i kanë. Ama përgjegjësisë për korrupsionin nuk i shpëtojnë dot! Sa për të bërë opozitë me këtë qeveri le të qartësohen se do vazhdoj çdo ditë",

Lajmi kryesor:

Grup 'inkuizicioni' kundër Veliajt në Komision! Tabaku merr pyetjet e gatshme nga anëtarja e AMA-s Desada Metaj, udhëzohet nga analistët e 'pavarur' Andi Tela dhe Andi Bushati

K.T./Shqiptarja.com

TAG:
• andi tela
• Andi Bushati
• Desada Metaj
• erion veliaj