Drejtori i AKEP-it, Ilir Zela, në një status në 'Facebook”, drejtuar ministrit të Brendshëm, Sandër Lleshaj, ka kërkuar ndryshimin e rregullores së pajisjes së shtetasve me pasaportë. Duke sjellë përvojën personale, pas skadimit të pasaportës së vjetër, Zela, ish-deputet dhe zyrtar i lartë i qeverisjeve të majta, denoncon konfiskimin e pasaportës që del nga qarkullimi, para se të merret pasaporta e re dhe sorollatjet pesë ditore për të marrë dokumentet nga Ministria e brendshme, deri te sportelet e firmës koncesionare që merret me prodhimin dhe shpërndarjen e pasaportave dhe të kartave të identitetit. Duke iu drejtuar me termin “vëlla’, ministrit Lleshaj, Zela kërkon ndërjyrjen e ministrisë, si institucioni përgjegjës për pajisjen e shtetasve me dokumentet identifikimi.
Reagimi i plotë i Zelës:
I nderuar ministër Sandër Lleshaj.
Po ju shkruaj publikisht me lutjen për t’u marrë seriozisht me dhënien fund të poshtërimit të qytetarëve shqiptare sa herë bëjnë një aplikim për pasaportë.
Sot u paraqita për aplikim në pikën pranë njësisë 2 dhe aty nuk kishte shërbim. Asnjë njoftim për arsyen dhe as ku duhet të drejtohet qytetari.
Me dashamirësinë e punonjësve të njesise 2 mësova se duhet të shkoja për aplikim te njësia 5.
Kur paraqitem aty më kërkojnë pasaportën e vjetër që ta dëmtojnë para se të bëj aplikimin për të renë. U them se duhet të udhëtoj ndërkohë që përgatitet e reja. Më thonë që kështu është rregulli.
Çfarë është ky rregull antikushtetues që pengon të drejtën time kushtetuese për të lëvizur? Apo është interesi i ALEAT përmbi Kushtetutën e Shqipërisë!
Dhe një gjë tjetër i dashur vëlla: pse duhet të shkojë qytetari në tre vende katër herë për të bërë një pasaportë? Dy herë tek gjendja civile, një herë tek ALEAT dhe një herë në polici? 5 dite punë i dashur Ministër!
Për të mos folur për çmimin e pasaportes që e kanë vënë sikur të ofrojnë shërbim me standard të barabartë me SHBA.
Të lutem jepi fund këtij poshtërimi!
Statusi i Zelës në 'Facebook'
Komente
Lajme të tjera
-
Ju ka skaduar pasaporta? Zgjatet vlefshmëria deri në datën 31 dhjetor 2020
4 Qershor 2020, 13:24 -
Rinis procesi i pajisjes me dokumente biometrike, aplikim me aplikacion vetëm pas rezervimit të orarit
7 Maj 2020, 11:32 -
Zgjatet fasha orare për tërheqjen e pasaportave, Voda: Paraqituni me maskë e doreza kur t'ju njoftojnë me SMS
27 Prill 2020, 13:22 -
Ju skadoi afati i pasaportave dhe ID-ve? Gati drafti për shtyrjen e vlefshmërisë deri kur të mbarojë COVID-19 (Detajet)
3 Prill 2020, 16:15 -
Zbulohet rrjeti për të dalë nga Rinasi me pasaportave 'sozi', arrestohet 21-vjeçari nga Kameruni...Dyshohen edhe bashkëpunëtorë shqiptarë
23 Shkurt 2020, 11:41
Me standardin e atij deputetit te Kurbinit ky duhet te perjashtohet nga partia.
Përgjigju