Drejtori i Doganave: Sfidë për grupin e gjobave, nxirrni dokumentet

Drejtori i Përgjithshëm i Doganave Genti Gazheli vijon në distancë debatin në distancë me mediat në pronësi të biznesmenit Irfan Hysenbelliu. Përmes një postimi ai i fton ato t'i botojnë dokumentet që pretendojnë se kanë në respekt të misionit të gazetarisë.  Ndërkohë, ai shigjeton edhe deputetin Ervin Salianji si dhe kreun e Partisë së Lirisë Ilir Meta.

"Çfarë nderi për mua dhe çfarë turpi për partitë e non-gratave që të përdoren nga një i ndëshkuar për evazion si Irfan Hysenbelliu! E kisha dëgjuar që ky Ervin Babalja nxirrej me një telefon në sulm nga Irfani, po sot e provova vetë. Ashtu siç ishte e pritshme që kjo Partia e Lirisë do ishte edhe partia e Irfanit qysh ditën e parë! Por sot e sfidoj përsëri grupin e gjobave mediatike të zotit Irfan të publikojë të katër dëshmitë e pastra të penalitetit nga Greqia për të katër të akuzuarit nga Fania si të dënuar në Greqi! Natyrisht që nuk do t'i publikojnë, sepse ato media me në krye Neës24 nuk punojnë për të vërtetën po për Fanen dhe të punosh për zotin Irfan do të thotë të jesh edhe dhi e zgjebosur edhe bishtin përpjetë", shkruan Gazheli.

LEXO EDHE:
Shqipëri - Itali firmosin memorandum bashkëpunimi: Komisioni i përbashkët doganor kundër kontrabandës dhe mashtrimit në tregtinë ndërkombëtare

Lajmi kryesor:

Akuzat/ ‘Doganat’ publikojnë dokumentet: Ja dëshmitë e penalitetit të shtetit grek, vërtetojnë se 4 punonjësit janë të pastër

K.T./Shqiptarja.com

TAG:
• Dogana Shqiptare
• Irfan Hysenbelliu
• Gent Gazheli