Nxënësit e kryeqytetit edhe këtë vit do të zhvillojnë mësimin me dy turne, dhe kjo për shkak të mungesës së shkollave, por edhe hapjes së më shumë klasave paralele.

Sipas të dhënave të Drejtorisë Arsimore në Tiranë 71 shkollat e mesme dhe 9-vjeçare të kryeqytetit nuk përballojnë dot fluksin e madh të nxënësve që rritet çdo vit. Në mungesë të ndërtimit të shkollave të reja apo ambienteve shtesë, zgjidhja e vetme për drejtuesit e arsimit është shtrirja e mësimit deri ne orët e pasdites.