X

POP 5

Lajmet më të lexuara të 5 minutave të fundit

Kronikë

I vdes i ati, Drejtoria e Burgjeve liron për 4 orë 'të fortin' e Shkodrës, Safet Bajri

I arrestuari në kuadër të operacionit "Oaz" ka lënë qelinë e burgut 313 në Tiranë, me vendim të Drejtorisë së Burgjeve për të marrë pjesë në funeralin e të atit në Shkodër. Ai është shoqëruar drejt kryeqendrës së veriut nën masa të rrepta sigurie dhe është kthyer sërish në Tiranë gjatë pasdites. 

I vdes i ati, Drejtoria e Burgjeve liron për 4 orë 'të fortin' e Shkodrës, Safet Bajri

Jonuz Bajri i ati i Safet Bajri

TIRANE - Lihet i lirë për katër orë i arrestuari në kuadër të megaoperacionit "Oaz" në shtator 2018, Safet Bajri (Lexo këtu). Nën masa të rrepta sigurie, ai ka lënë qelitë e burgut 313 në Tiranë me vendim të Drejtorisë së Burgjeve rreth orës 10:00 të kësaj të premte, për të marrë pjesë në funeralin e të atit, Jonuz Bajri, 77-vjeç, në Shkodër, i cili kishte ndërruar jetë një ditë më parë. Ceremonia mortore është zhvilluar rreth orës 13:00 të kësaj të premte në Dobraç të Shkodrës. 

Pasi ka qëndruar pranë familjes për t'i dhënë lamtumirën e fundit babait, Safet Bajri i shoqëruar nga forca të shumta policore është rikthyer në kryeqytet gjatë orëve të pasdites dhe është dërguar sërish në qelitë e burgut 313. Report Tv mëson se ka qenë Prokuroria e Krimeve të Rënda dhe ajo e Shkodrës që ka autorizuar drejtorinë e Burgjeve për të pajisur me leje 4 orëshe Bajrin. Leje kjo e cila është firmosur nga drejtori i Burgjeve, Stefan Çipa, thanë burime për Report Tv.

Kush është Safet Bajri?
Safet Bajri akuzohet nga Krimet e Rënda si kreu i një grupi kriminal që kryente trafik droge, vrasje dhe trukim ndeshjesh. Ai u prangos në shtator të 2018 gjatë një operacioni masiv policor të FNSH-së dhe RENEA-s që çoi në arrestimin e 11 të fortëve, anëtarë të bandës kriminale "Bajri" në Shkodër. Për Safet Bajrin ka një dënim edhe nga drejtësia belge për shfrytëzim prostitucioni. Në momentin e arrestimit, Safet Bajri ka qenë në një bilardo në zonën e Xhamllikut, dhe sapo kanë hyrë forcat RENEA, ai ka hedhur armën e zjarrit pistoletë e cila megjithatë është konstatuar nga efektivët e policisë. 

Grupi kriminal "Bajri" nga Dobraçi i Shkodrës akuzohet për vrasje me dashje, gjobëvënie, trafik droge dhe pastrim parash. Anëtarë të këtij grupi kriminal akuzohen edhe si autorë të disa prej ngjarjeve kriminale që kanë tronditur kryeqendrën e veriut.

Lajmërimi për vdekjen e Jonuz Bajrit, babai i Safet Bajrit

Jonuz Bajri, babai i Safet Bajrit

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Labi: 11/05/2019 20:40

    Ore t drejt ka ky fredi cjan kety gjysem hena n fleta e varrimit pse nuk xhoni simbolin tone shqiponjen me dy koka..

    Përgjigju
  • arsen kishnapoli: 01/02/2019 20:37

    Zoti ju lashte shendosh!

    Përgjigju
  • arsen kishnapoli: 01/02/2019 20:37

    Zoti ju lashte shendosh!

    Përgjigju
  • Behari jam!!: 01/02/2019 20:02

    Ky i ka fillu vrasjet i pari!!

    Përgjigju
  • Berat: 01/02/2019 19:39

    Tju ket len uraten te rroni e ta kujtoni

    Përgjigju
  • Fredi: 01/02/2019 16:53

    Ç janë mor këto gjysmëhëna e kryqe në njoftime varrimi? Shum keq shqiptari është shnderuar në atë që fqinjet e duan të bëhet...

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Prizren, Burri tenton të vrasë ish-vjehrrin në oborrin e Gjykatës

Prizren, Burri tenton të vrasë ish-vjehrrin në oborrin e Gjykatës

26 Prill, 15:31