TIRANE- Anëtarët e Këshillit Ndërakademik për Gjuhën Shqi­pe në mbledhjen e radhës që u zhvillua më 20 qershor 2014, në Tiranë, iu shmangën diskutimeve 3-vjeçare për ndryshimin e Drejtshkrimit të Gjuhës Shqipe. Rezultatet e kësaj mbledhjeje janë bërë publike dje nga Akademia e Shkencave të Shqipërisë bashkë me kokluzionet e takimit me gru­pet e punës me përfaqësues nga Akademia e Tiranës dhe e Prishtinës.

Mbledhja u mbajt nën drejtimin e akade­mikëve Jani Thomai e Rexhep Ismajli (bashkë­kryetarë) dhe me pjesëmarrjen e anëtarëve të Kë­shillit: akademikët Kolec Topalli e Gjovalin Shkurtaj dhe profesorët Mehmet Çeliku, Seit Mansaku, Shezai Rrokaj, Shefkije Islamaj, Enver Hysa, Isa Bajçinca, Imri Badallaj, Abdullah Zymberi, Bardh Rugova e Rrahman Paçarizi. Në rendin e ditës për diskutim pati dy çështje:
1. Çështje të sintaksës në shqi­pen stan­dar­de.
2. Shqipja standarde dhe shkolla.