Dreka e pashkëve në kuzhinën
e "Rreze Dielli" në A1 Report

E premtja e gatimeve tradicionale në këndin e kuzhinës në emisionin “Rreze Dielli” erdhi ndryshe nga zonja Tefta, Eneida dhe shefi i kuzhinës Ismet Shehu, i ftuar për të sjellë për të gjitha amvisat drekën e pashkëve.

Kështu, shef Ismet Shehu dhe zonja Tefta kishin përgatitur receta tradicionale të drekës së pashkëve.
 


“Rreze Dielli” së bashku me klubin e shefave të kuzhinës shqiptare kanë lidhur një bashkëpunim për të përcjellë sa më shumë traditën e gatimeve shqiptare, duke i sjellë ato ashtu siç kanë qenë në kohët më përpara, me të njëjtat vlera ushqimore dhe më të njëjtën shije.

Kremtimi i pashkëve kanë gatimet tradicionale të tyre që shtrohen në drekën e kësaj të diele.



Zonja Tefta së bashku më shef Ismetin sollën në kuzhinë pesë receta. Ndër të cilat ishin: supa megjenicë, lemontardë, mish qingji dhe sallatë.

Receta e parë që u përgatit ishte supa megjericë, pjata që është e domosdoshme në ditën e drekës së pashkëve.


 
Receta: Supa magjenicë

Qepë të njoma

Vaj ulliri

Hurdhër

Gjalp

Të brendshme qingji

Krip

Oriz

Kopra

Majdanoz
 


Përgatitja e supës magjenicë:

Ziejmë të brendshmët. Më pas në tigan skuqim qepën e njomë së bashku me hurdhër në vaj ulliri. Më pas tek qepa shtojmë orizin e zierë dhe të brendshmet e qingjit të prera në kubik. Dhe i ziejmë duke i shtuar në fund të gjitha erëzat që janë në recetë.

Receta e dytë që e kërkon tradita e drekës së pashkëve ishte mishi i qingjit.



Receta: Mishi i qingjit

Brinjë qingji

Fara koriani

Sherebel

Kum

Karafil

Kërpudhë

Gjalp

Krip

Piper i zi

Rrepa e bardhë

Karota

Bizele
 
 

Përgatitja e recetës së mishit të qingjit:

 Mishin e qingjit, pasi e hedhim të gjitha erëzat që janë në recetë duke e skuqur fillimisht në tigan, e fusim në furrë për t`u pjekur më mirë. Më pas i shtojmë mishit në furrë një kërpudhë të përgatitur me krip, peper dhe gjalp përsipër.
 
Duke dhënë fantazi të reja dhe për të shtuar menunë e gatimeve të drekës së pashkës shef Ismeti përgatiti dhe 3 receta të tjera si tarta me spinaq, ëmbëlsira lemontardë dhe sallatën.
 
Në recetën plot fantazi për drekën e pashkëve të tartës me spinaq, Shef Ismeti vendosi në mënyrë estetike vezët mbi tortë pasi ato janë domethënia e pashkëve.
 


Receta: Tartë me spinaq

Vezë të ziera

Gjiz

Spinaq

Petë

Gjalp
 
 

Receta: Sallata me lakër dhe vezë

Lakër e bardhë

Vezë

Vaj ulliri

Luleshtrydhe
 

 
Receta: Ëmbëlsira lemontardë

Përgatitja e brumit të tartës

Miell                      300 gr

Gjalp                      150 gr

Vezë                       1 

Krip

Sheqer

Ujë                       2- 3 lugë

Kremi

Pana ëmbëlsirë

Vezë                     2 kokrra

Lëng limoni

Redaksia Online (m.z/shqiptarja.com)


 

/Shqiptarja.com