Pas një 4-vjeçari sfidues dhe intensiv, republikani Donald Trump arriti të rikthehej në Shtëpinë e Bardhë si presidenti i 47-të i SHBA-ve, duke shënuar ringritjen më të madhe politike në historinë e vendit. 

Pavarësisht kësaj, Trump së bashku me bashkëshorten e tij, tashmë Zonja e Parë, Melania, ndonjëherë dukej sikur nuk reflektonin entuziasmin e një dite historike si kjo e betimit (20 janar 2025).

Me një kapele që dukej sikur i pengonte shikimin, dhe një mimikë të ngurtë, Zonja e Parë reflektonte mosinteresim ndaj kësaj ngjarje, deri në 'bezdisje'.

Edhe vetë republikani 78-vjeçar shpesh dukej sikur po përjetonte një moment monoton, dhe jo rikthimin e tij zyrtar në krye të superfuqisë botërore, Shteteve të Bashkuara të Amerikës.

Këtë përshtypje ata e lanë veçanërisht gjatë drekës zyrtare në Kapitol, të mbajtur pas inaugurimit. Me çehre të ngrysura, ata dukeshin të trishtuar sikur të ishin në një ‘ceremoni motore’.