Dritan Hila: Betejat e Bashës i bën Rama, ose Berisha

Dritan Hila: Betejat e Bashës i bën Rama, ose Berisha

Lulzim Basha

Ka një zhgënjim në kampin e Lulzim Bashës për faktin që vula i kaloi Berishës. Përtej anës morale dhe numerike se kujt i takonte dhe përtej yçklave ligjore qe përpiqen të gjejnë ata që donin të rrinte aty ku ishte, puna është se kush e meritonte?

Sali Berisha bëri betejë që ditën e parë për të, betejë që pavarësisht moshës, nuk e reshti asnjë ditë.

Mirë apo keq, serioze apo qesharake, rruga e tij dy e kusur vjeçare tregoi nerv për pushtet. Nuk i zhgënjeu asnjë ditë ndjekësit e tij. Dhe nisur nga fakti që sidomos në terrenin kur nuk ka precedentë në sistemin gjyqësor sesi ndahet davaja e një partie dhe si e tillë në vendimin e gjykatës ndikon bindja e brendshme e gjyqtarit se kush e meriton me vullnet e numra një autorësi të saj, nuk ka asgjë të çuditshme që gjykata ia dha Berishës.

Në krahun tjetër, hiq disa emra që numërohen me gishtat e njërës dorë, kusuri priste vendimin e gjykatës. E gjitha kjo mënyrë sjelljeje linte dyshimin që ose e gjitha ishte një lojë e Bashës që të shmangte zemërimin e amerikanëve nëse do reshtohej që në fillim në krah të Berishës dhe deklaratat e tanishme për bashkim e vërtetojnë këtë, ose priste që betejat t'i bënte Edi Rama.

Kësaj i shërbenin edhe fjalët e hapura mes mbështetësve të tij që pas 2025-ës do jemi në koalicion me Ramën. Mirëpo puna është që Rama nuk ka qejf ta ndajë pushtetin as me Erion Veliajn, lëre pastaj me të tjerë. Sepse i binte që Rama të bënte fushatë si për vete edhe për Bashën. Sesi i kanë bërë llogaritë, duhet goxha fantazi.

A ka ndikuar Rama t'i jepej vula Berishës? Pak si e vështirë ta besosh pasi e sigurt është që me një opozitë të përçarë do ta kishte më të kollajtë fitoren sesa tashmë që PD-ja ka një bosht historik. E ndaj, duket ca si shumë fantazi që të ketë ndikuar në dhënien e vulës.

Kurse Bashës tani i mbetet ose t'i hyjë betejave vetë ose të lerë Berishën t’i bëjë për të, siç i ka bërë gjithmonë. Është edhe më rehat./dritare.net

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Ironizon Petro Gjikuria: Iu përgjigja ftesës së Ramës, lashë SHBA për të ndihmuar vendin tim! Mbështetja e Belerit, nder

Ironizon Petro Gjikuria: Iu përgjigja ftesës së Ramës, lashë SHBA për të ndihmuar vendin tim! Mbështetja e Belerit, nder