POP 5

Lajmet më të lexuara të 5 minutave të fundit

Opinion

Dritan Hila: Nuk jua ka fajin Edi!

Nuk kanë kurajën të thonë të vërtetën: Reformën e bëri SHBA dhe kokës po iu bien SHBA-të. Rama ishte më strategjist se burgaxhinjtë e sotëm dhe e kuptoi që e vetmja mundësi ishte të bëhej aleat i idesë së amerikanëve, përndryshe ata do ta gjenin rrugën e implementimit të saj, me të vetmin ndryshim se Rama do të ishte targeti i parë.

Dritan Hila: Nuk jua ka fajin Edi!

Edi Rama, Sali Berisha dhe Ilir Meta

Është e disata herë që viktimat e reformës në drejtësi, të cilët edhe e kanë votuar, shfaqin pendesë nën shprehje bigote që medemek projekti ishte i mirë por u deformua rrugës. D.m.th Amerika e bëri mirë por e prishi Edi Rama.

Nuk kanë kurajën të thonë të vërtetën: Reformën e bëri SHBA dhe kokës po iu bien SHBA-të. Rama ishte më strategjist se burgaxhinjtë e sotëm dhe e kuptoi që e vetmja mundësi ishte të bëhej aleat i idesë së amerikanëve, përndryshe ata do ta gjenin rrugën e implementimit të saj, me të vetmin ndryshim se Rama do të ishte targeti i parë. Votimi me 100% të votave sigurisht që ishte një tallje e rëndë nga Donald Lu, për t’i bërë të votonin ata që sot truajnë e mallkojnë atë.

Ndoshta plani i parë i amerikanëve ka qenë që pas votimit, secili prej burgaxhinjve aktualë të tërhiqej nga politika dhe të shikonte punën e vet dhe hobet e veta. Mirëpo nuk e kishin menduar që hajduti ka hobi vetëm hajdutërinë. Ashtu sikurse një të droguari apo kumarxhiu i jep kënaqësi vetëm vesi. Me siguri burgaxhinjtë e sotëm kur e kanë votuar kanë menduar që do fusin duart më vonë, se fundja, helbete, ata e kishin hedhur vallen gjithmonë në këtë vend, dhe do vazhdonin të mbretëronin. Dhe kjo i mori në qafë.

Sot do ishin harruar: macja Sasha do vazhdonte të dhiste në banjën e saj tek vila në Lalëz, Berisha të bënte kilometrat në rërë dhe Meta hedhjet në pellgje. Por vazhduan të merreshin me politikë, të pengonin progresin e vendit dhe madje të fusnin hundët në rajon. Kjo e ktheu shënjestrën ndaj tyre, kështu që nuk iu ka faj SPAK pse merret me ta, pasi ata ia bënë vetes dhe sot të gjithë pyesin sesi janë dyshekët e qelive të 313-ës. Natyrisht që SPAK u bë që të merrej me politikanët që qeverisin, por kush thotë që Berisha dhe Meta nuk janë aktiv, bën shejtan-budallanë.

Por target nuk do jenë vetëm autorët e 33 viteve grabitje të shqiptarëve.

Do jenë edhe ata që mendojnë të futen në partinë e Berishës me shpresë se do t’i marrin trashëgiminë apo kanë filluar kërkojnë lirimin e Metës. Të dy këta janë të vdekur që ecin. Kush i shkon pas thjesht tregon që nuk mbush mirë. Perandoritë e kanë kujtesën e fortë dhe inatin e gjatë. Nuk mund të lejojnë në prapavijat e tyre rebelimet. Mjafton të lexosh historinë cilësdo nga perandoritë për të kuptuar se këta tipat që janë në burg apo me fletë-arresti të prera, e kanë mbyllur karrierën.

Tani këta mund të bëjnë edhe anti-amerikanin. Por, duke perifrazuar një tipe që e ka mandat-arrestin gati, puna është që amerikanëve, as u rruhet fare për këta. Se amerikanëve nuk po i rruhet për fuqitë bërthamore si Rusia e gjigandë ekonomikë si Gjermania, lëre pastaj për ca ballkanas që iu vjen akoma era dhi. /Dritare.net/

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kulluri ironizon Korreshin: Që të bëhet deputet, duhet të bëjë vertikalen poshtë ballkonit të Berishës

Kulluri ironizon Korreshin: Që të bëhet deputet, duhet të bëjë vertikalen poshtë ballkonit të Berishës

24 Dhjetor, 18:11