POP 5

Lajmet më të lexuara të 5 minutave të fundit

Kronikë

Droga në autobusin ku udhëtonte 
Fressh, shoferi e guida në pranga

Shkon në katër numri i shqiptarëve të arrestuar në Turqi për drogën e gjetur në autobusin me të cilin udhëtonin të rinjtë e Forumit Rinor eurosocialist. ReportTv ka mundur të sigurojë ermat e të arrestuarve ku mes tyre janë shoferi i autobusit, fatorino dhe dy të rinj pjesë e guidës turistike.
Akuzat e FRPD ndaj FRESH Rama: Sulm i horllëkut të baltës
Basha: S’ka horllëk më të madh se të qeverisësh me trafikantë
TIRANE - Shoferi, fatorino dhe dy të rinj të guidës turistike të autobusit drejt Strambollit ku udhëtonin edhe 35 anëtarë të Forumit Rinor Eeurosocialist Shqiptar, janë arrestuar nga policia pasi akuzohen për trafik droge. Gjatë kontrollit në Erdine Ipsala, pikë kufitare mes Greqisë dhe Turqisë, autobusi i nisur nga Tirana i është nënshtruar kontrollit, ku efektivët zbuluan 66 pako me bimë narkotike me peshë 124.569 gr.

Sasia e lëndës narkotike, sipas burimeve të policisë, ka qenë e fshehur në krevatin që përdorte shoferi për të fjetur në autobus dhe në pjesën e pasme të sediljes së tij.

Autobusi në të cilin është gjetur lënda narkotike është i modelit Stera me targë AS607AP i kompanisë Fenix Travel & Tours, nisur nga Tirana me një ndalesë në Greqi e me destinacion Turqinë.

Të arrestuarit
Gëzim Elmazi 59 vjeç nga Elbasani, shoferi
Shkëlqzim Domi 55 vjeç fatorino i autobusit
Erion Doce 31 vjeç guida
Ervis Hyseni 32 vjeç guida

Droga u zbulua mbrëmjen e së premtes gjatë kontrollit në kufirin turk. Në autobus udhëtonin 35 anëtarë të FRESSh dhe disa pasagjerë të tjerë me destinacionin e njëjtë, Turqinë. Kjo ngjarje ngjalli edhe reagime politike në Tiranë, ku Partia Demokratike përmes kreut të Forumit Rinor Belind Këlliçi, akuzoi për përfshirje të socialistëve të rinj në trafikun e drogës. Ndërkohë kryetarja e FRESSH Jozela Koka sqaroi për Shqiptarja.com se lënda narkotike nuk i përkiste asnjërit nga aktivistëve freshistë dhe se pas shoqërimit të personave të dyshuar udhëtimi i tyre vijoi drejt Stambollit me një tjetër autobus.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

15 Janar, 20:26