BRINDISI – Dërgonin kokainë nga Shqipëria në Itali, por edhe armë që do shkonin në duart e grupeve kriminale: janë këto aktivitetet e një organizate kriminale që Guardia di Finanza dhe Drejtoria Antimafia e Lecce, Itali, mendojnë se kanë shkatërruar sot në mëngjes ndërsa arrestuan 18 persona. Tetë prej tyre janë shqiptarë ndërsa 3 janë në kërkim.

Gjatë kontrolleve të zhvilluara ndërsa po kryeshin arrestimet, u sekuestruan mbi 700 gramë kokainë: droga, sipas hetuesve, shpërndahej në lokalet e natës dhe diskoteka.

Gjithashtu janë sekuestruar edhe disa prona të paluajtshme dhe autovetura, me një vlerë totale prej 250 mijë eurosh.

Të arrestuarit shqiptarë janë:

Armand Uka, 27 vjec
Daniel Kokli, 28 vjeç
Ernest Bodlli, 29 vjeç
Luan Çela, 31 vjeç
Marte Kokli, 55 vjeç
Qamil Bodlli, 50 vjec
Vilson Kokli, 25 vjeç
Nikolin Curri, 42 vjeç

Në kërkim janë shpallur:

Erind Jaku, 35 vjeç
Ilir Kocli, 34 vjeç
Leonardo Tushaj, 34 vjeç

Tre krerët e grupit ishin Vilson, Daniel dhe Marte Kokli, bënë të ditur autoritetet italiane.

(im/shqiptarja.com)