Elbasan- Drejtoria e Përgjithshme e Burgjeve reagoi sot (13 Shtator) për ngjarjen e ndodhur mbrëmjen e djeshme në Burgun e Peqinit, kur rreth orës 20:37 shërbimet e sigurisë në institucion konstatuan një mjet fluturues, dron.
Nga një lartësi prej 100-150 metrash në territorin e burgut, për 1 minutë e 20 sekonda nga mjeti u hodhën dy kuti qumështi brenda ambienteve të burgut.
“Pasi u identifikua mjeti fluturues, u njoftuan menjëherë forcat e sigurisë të IEVP Peqin, të cilët, së bashku me Forcat Speciale të Drejtorisë së Përgjithshme të Burgjeve realizuan kontrolle të hollësishme në zonën e hapur dhe të mbyllur të institucionit të regjimit të IEVP Peqin”, thuhet në njoftimin zyrtar.
Pas kontrolleve të detajuara, u zbulua dhe se çfarë ishin sendet e paligjshme në fjalë.
“Një nga pakot përmbante dy aparate celularë, një iPhone 11 dhe një iPhone 11 Pro Max, si dhe tetë fisha për karikimin e telefonave. Në një tjetër pako u gjetën 380 gramë të dyshuar kanabis sativa, të ndara në doza të vogla nga 0.13-0.15 gramë, si dhe 33 doza të vogla me lëndë të dyshuar si kokainë, me një peshë totale prej 57.7 gramë”, sqaroi drejtoria.
Drejtoria e Përgjithshme e Burgjeve, pas këtij rasti ka forcuar menjëherë edhe masat e sigurisë.
Në to është përfshirë “shtimi i forcave të specializuara për monitorimin e hapësirave të jashtme dhe kontrollin e aktiviteteve të dyshimta, kontrollin e plotë të të gjitha zonave të hapura dhe të mbyllura të IEVP-së, si dhe analizimin e ngjarjes për përfshirjen e të dënuarve apo të paraburgosurve”.
Po ashtu, është parashikuar që “të gjithë të burgosurit ose të paraburgosurit që do të dyshohen për përfshirje në ngjarjen e mësipërme, do të transferohen menjëherë në institucione të tjera për të parandaluar ndonjë përfshirje të mëtejshme në aktivitetet e paligjshme”.
“Policia e Shtetit dhe Prokuroria po hetojnë ngjarjen për të identifikuar personat përgjegjës dhe për të vënë përpara drejtësisë organizatorët e kësaj veprimtarie të paligjshme”, theksohet në njoftim.
Të gjitha provat e gjetura kanë shkuar për ekspertim të mëtejshme në laboratorin shkencor, teksa është përfshirë në hetime edhe Prokuroria e Elbasanit.
Kjo ngjarje pason atë të datës 8 Shtator, kur një tjetër dron është kapur mbi Burgun e Burrelit duke filmuar dhe dhënë alarmin në sistemin e sigurisë. Drejtoria e Burgjeve, në bazë të informacioneve tha se "kishte të bënte me një grup kriminal, i cili ka tentuar të fusë sende të paligjshme në burgun e Burrelit, për të realizuar qëllimet e tyre kriminale".
Një person, 36 vjeç, u ndalua më pas si i dyshuar pas identifikimit, por që dësmhmoi se droni drejtohej nga fëmija i tij i mitur.
Drejtoria e Burgjeve ka publikuar pamjet e momentit kur kamerat e sigurisë kanë filmuar dronin teksa po hidhte brenda burgut të Peqinit drogë, telefon dhe fisha karikimi.
Ka qenë ora 20:37 e mbrëmjes së 12 shtatorit, kur shërbimet e sigurisë në burgun e Peqinit, konstatuan dronin në rreth150 metra lartësi, i cili për 1 minutë, hodhi 2 pako brenda ambienteve të burgut.
Forcat e sigurisë së burgjeve ushtruan kontrolle të hollësishme dhe zbuluan se në pako, brenda 2 kutive kartoni qumështi, 'ajka', kishte 2 celularë, 8 fisha karikimi, 380 gr kanabis dhe 33 doza kokainë, rreth 60 gram në total.
Një nga pakot e qumështit brenda ishin vendosur dy aparate celularë, një iPhone 11 dhe një iPhone 11 Pro Max, si dhe tetë fisha për karikimin e telefonave.
Ndërsa në pakon tjetër u gjetën 380 gramë të dyshuar kanabis sativa, të ndara në doza të vogla nga 0.13-0.15 gramë, si dhe 33 doza të vogla me lëndë të dyshuar si kokainë, me një peshë totale prej 57.7 gramë.
Pas ngjarjes, drejtoria e Burgjeve thotë se shtoi forcat e specializuara për monitorimin e hapësirave brenda e jashtë burgut, ndërsa policia nisi një hetim për të zbuluar të dënuarit apo të paraburgosurit e përfshirë në këtë ngjarje.
Lajme të tjera
-
Elbasan/ Ushtroi dhunë ndaj babait dhe i vodhi paratë, në pranga 31 vjeçari
23 Nëntor, 13:36 -
Moti i keq/ Era e fortë dhe shiu i dendur ‘pushtojnë’ Elbasanin
22 Nëntor, 18:09 -
Elbasan/ Aksident në Belsh-Kuçovë, makina del nga rruga, plagosen shoferi 21-vjeçar dhe pasagjerja
22 Nëntor, 17:44 -
OSBE, trajnim punonjësve të Burgjeve për standardet e të drejtave të njeriut
22 Nëntor, 15:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Bashkia Cërrik feston 72-vjetorin e krijimit
21 Nëntor, 17:33 -
Drejtori i Burgjeve takohet me ambasadorin e Mbretërisë së Bashkuar: Seanca gjyqësore me video-konferenca, synojnë modernizimin e sistemit
21 Nëntor, 15:09 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Ylli i ri i peshëngritjes shqiptare, Kristi Muça fiton medalje në Bullgari
20 Nëntor, 19:25 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Aksident në aksin Elbasan- Cërrik, 2 mjete përplasen me njëra-tjetrën, policia në vendngjarje
20 Nëntor, 11:34
