POP 5

Lajmet më të lexuara të 5 minutave të fundit

Kronikë

Zbulohen parcelat me drogë në Velipojë, asgjësohen rreth 25 mijë bimë kanabisi! Në kërkim 3 vëllezërit, në hetim 2 punonjësit e OSHEE (VIDEO)

Tre vëllezër në Velipojë janë shpallur në kërkim, pasi kultivuan rreth 25 mijë bimë kanabisi. Në hetim janë vënë edhe dy elektricistë të OSHEE pasi nuk kanë konstatuar lidhjen e paligjshme të energjisë elektrike.

VELIPOJË- Rreth 25 mijë bimë kanabisi janë asgjësuar në Velipojë. Siç shihet edhe në këto pamje, parcelat me kanabis janë zbuluar në një zonë të pyllëzuar, ndërsa për vëzhgimin e zonës është përdorur edhe dron.

Policia ka shpallur në kërkim 3 vëllezërit kultivues, Majran Ndrejaj 30 vjeç, Pjerin Ndrejaj 36 vjeç dhe Luviq Ndrejaj 32 vjeç.

Droga është zbuluar në fshatin Rrjoll, në vendin e quajtur “Maja e Zezë”, në kuadër të operacionit të koduar ‘Territori i Pastër’. Policia asgjësoi 24 759 bimë cannabisi.

"Në vijim të megaoperacionit kombëtar policor, të koduar “Territor i pastër”, u evidentua dhe u godit 1 rast tjetër i kultivimit të bimëve narkotike, në Velipojë. Shërbimet e Stacionit të Policisë Velipojë, në bashkëpunim me Drejtorinë Vendore të Policisë Shkodër dhe me Komisariatin e Shkodrës, në fshatin Rrjoll, në vendin e quajtur “Maja e Zezë”, gjetën dhe asgjësuan 24 759 bimë cannabisi", njofton policia. 

Ndërkohë, 2 elektricistë të OSHEE, T. Sh., 61 vjeç, dhe P. M., 61 vjeç, janë vënë në hetim në gjendje të lirë për veprën penale “Shpërdorimi i detyrës”, pasi dyshohet se nuk kanë konstatuar lidhjen e paligjshme të energjisë elektrike që ishte krijuar për këtë veprimtari kriminale.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fshati: 09/06/2024 11:29

    25 000 rrënjë,dy hektarë tokë e mbjellë me kanabis. Po na krenohet polici1 se janë përdorur drone shumë të sofistikuar.

    Përgjigju
  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?

Lajme të tjera



×

Lajmi i fundit

Basha: Berishës i duhet vula për t’i përdorur demokratët si mburojë para drejtësisë, SHBA e Britanisë

Basha: Berishës i duhet vula për t’i përdorur demokratët si mburojë para drejtësisë, SHBA e Britanisë

23 Qershor, 20:28