LEZHE - Një 18-vjeçar është arrestuar nga policia e Lezhës pasi i ka bërë shantazh një të miture për dhënien e 7000 euro ose në të kundërt ai ka kërcënuar do t'i publikonte fotot intime. 
 
Në prangat e bluve ka rënë Kristian N., 18 vjeç, banues në Lezhë.

Arrestimi i tij është bërë pasi dyshohet se ka kanosur me anë të mesazheve telefonike një 17-vjeçare.

Ai i ka kërkuar asaj shumën e 7000 euro-ve. Mësohet se 18-vjeçari i ka bërë presion vazhdimisht të miturës se nëse ajo nuk i jepte shumën e parave, ai do t'i publikonte në rrjete sociale fotografi intime. 

Materialet proçeduriale i kaluan Prokurorisë pranë Gjykatës së Shkallës së Parë për Krimet e Rënda Tiranë për veprën penale "Shtrëngimi me anë të kanosjes ose dhunës për dhënien e pasurisë" parashikuar nga neni 109/b i Kodit Penal.

Redaksia Online
l.q/Shqiptarja.com