Dua Lipa i jep fund marrëdhënies me regjisorin Romain Gavras!

Dua Lipa u përfol shumë pas lidhjes me regjisorin Romain Gavras, por mesa duket romanca e tyre ka përfunduar pas gati 8 muajsh. Media ‘The Sun’ shkruan se këngëtarja shqiptare me famë botërore i ka dhënë fund lidhjes së saj, pasi për momentin dëshiron që të përqendrohet vetëm tek muzika përpara publikimit të albumit të saj të tretë.

“Dua dhe Romain kanë bërë rrugë të ndara pas një vere dashurie. Dyshja i dhanë fund marrëdhënies përpara se gjërat të përkeqësoheshin. Romain e konsideronte Duan si një punëtore, por ajo nuk planifikon të ngadalësojë për asgjë apo askënd”, thotë një burim për ‘The Sun’.

Kujtojmë që Dua konfirmoi se kishte nisur një lidhje me Romain në mars, kur të dy u fotografuan së bashku pas përfundimit të sfilatës së Saint Laurent në Javën e Modës në Paris. Dua u pa për herë të fundit me ish-in e Rita Orës, duke shijuar një natë së bashku muajin e kaluar. Vetë këngëtarja nuk ka bërë asnjë reagim publik.

SI.E./Shqiptarja.com

TAG:
• Romain Gavras
• dua lipa