Përplasje mes studentëve te Juridiku, dekani: Duam mësim, na siguroni ambiente të tjera

TIRANË- Studentët janë rikthyer këtë të hënë në Fakultetin e Drejtësisë për të zhvilluar mësim. Por ambjentet e këtij fakulteti kanë një grup studentët që e kanë penguar mësimin. 

Përpjekjet e tyre për të hapur dyert dhe për të vazhduar mësimin kanë shkaktuar debate mes studenteve, madje disa vajza janë dhunuar nga grupi i të ngujuarve.

Njëra prej tyre është shprehur se e kanë goditur me karrige dhe me grushta. Ndërkohë një prej vajza të ngujuara ka pësuar luhatje tensioni dhe është shoqëruar me ambulancëdrejt spitalit.

I pranishëm gjatë debateve ka qënë edhe Rektori i Fakultetit, i cili i ka thënë edhe studentëve që kërkojnë mësim, si edhe grupit që ka vendosur bojkot që kanë të drejtë duke mos e zgjidhur problemin mes tyre

Pasi nuk kanë gjetur zgjidhje as nga rektori, studentët që duan mësim i janë drejtuar dekanit të Fakultetit të Drejtësisë, Artan Hoxha.

Pas kërkesës së studentëve për të vijuar mësimin, dekani Hoxha i ka çuar një kërkesë ministrisë së Arsimit për t’i mundësuar ambiente për të zhvilluar mësimin. 

“Duam ambiente të tjera për të zhvilluar mësimin. Procesi mësimor sa vjen dhe bëhet më i vështirë për tu bërë i plotë. Rektori nuk na është përgjigjur, unë kam folur me ministren e Arsimit. Unë shpresoj që të fillojmë që nesër mësimin, ska rëndësi se ku. Besoj që ministria do të na vijë në ndihmë. Ka persona që nuk janë as student. Nuk e di pse janë aty dhe prej kujt. Po ta dija, do ta thoja,” - tha gjatë një konferencë për shtyp dekani.

Për të zgjidhur ngërçin mes studentëve ka ndërhyrë edhe njëra prej pedagogëve të fakultetit, e cila u ka thënë studentëve që pedagogët po punojnë që situata të marrë zgjidhje.

 

TAG:
• protesta e studentëve
• ngujimi i studenteve
• fakulteti i drejtësisë