Roma-Milan pa fitues, turpërohet Interi, Reali i Madridit gati për 'El Clasico'

Roma-Milan pa fitues, turpërohet Interi, Reali i Madridit gati për 'El Clasico'

Në barazim mbyllet dueli për zonën Champions mes Romës dhe Milanit. Në “Olimpico” skuadrat ndajnë nga një pikë pas rezultatit 1-1 me kuqezinjtë që mbyllin pjesën e parë në avantazh me golin e Piatek në minutën e 26-të. Në fillimin e fraksionit të dytë verdhekuqtë barazojnë me të riun Nicolo Zaniolo dhe më pas është një super Donnarumma që i mohon Romës fitoren. Milan mban vendin e katërt me një pikë më shumë se Roma.

Interi është katastrofë dhe vijon periudhën e zezë në vitin e ri. Bologna që nuk fitonte prej 14 ndeshjesh mposhti zikaltërit 1-0 me golin e Santander që me kokë mposht Handanovic. Interi prek fundin por Spalletti konfirmohet nga drejtuesit.

Ndërsa Real Madrid është mëse gati për “El Clasicon” e së mërkurrës në Kupë. Los Blancos fituan lehtësisht ndaj Alaves 3-0 në “Bernabeu” në ndeshjen e javës së 22-të në La Liga. Karim Benzema dhe braziliani Vinicius Junior vijojnë me formën e mirë dhe shënuan dy golat e parë të ndeshjes respektivisht në minutat 30-të dhe 80-të.

Llogaritë i mbylli Mariano Diaz i futur në pjesën e dytë. Real mban vendin e tretë por i afrohet në 2 pikë Atleticos së vendit të dytë dhe në 8 pikë Barçës kryesuese. Atletico Madrid u mposht 1-0 në “Benito Villamarin” nga Real Betis. Vendasve u mjaftoi goli i shënuar nga Sergio Canales me penallti.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Doja t'i ngjaja tim eti', Alban Hoxha: Karrierën s'e kam nisur në portë, kam bërë gola

'Doja t'i ngjaja tim eti', Alban Hoxha: Karrierën s'e kam nisur në portë, kam bërë gola