Duka i jep kombëtares sugjerimet
e fundit para miqësores me Katarin

Presidenti i FSHF, Duka i është bashkuar ekipit kombëtar në Austri ku po zhvillon fazën përgatitore para ndeshjes që Shqipëria do të zhvillojë sot përballë Katarit në 17:30 në Hartberg.
 
Duka pas takimit me trajnerin De Biasi dhe lojtarët ka zhvilluar një bisedë disa minuta me grupin duke u njohur me gjendjen dhe përgatitjet për Euro 2016.
 
Shqipëria do të zhvillojë edhe një tjetër ndeshje miqësore para Europianit përballë Ukrainës pas Katarit, ndërsa në ditët në vijim De Biasi do të publikojë edhe listën përfundimtare të atyre që do u besojë për në Francë 2016, pasi nga 27 lojtarë do të zgjedhë vetëm 23.






d.b/shqiptarja.com