POP 5

Lajmet më të lexuara të 5 minutave të fundit

Arkiva

Dule: Nëse nuk arrijmë marrëveshje me PS-në do dalim të vetëm në zgjedhjet lokale

TIRANË, 16 Prill/ATSH/.- Kryetari i Partisë Bashkimi për të Drejtat e Njeriut, Vangjel Dule në një deklaratë për shtyp paraditen e së enjtes tha se PBDNJ është në komunikim politik me Partinë Socialiste, por jo në negociata. Ai paralajmëroi se nëse nuk arrihet një marrëveshje paraelektorale me partinë më të madhe në qeverisje forca që […]
Kryetari i Partisë Bashkimi për të Drejtat e Njeriut, Vangjel Dule në një deklaratë për shtyp paraditen e së enjtes tha se PBDNJ është në komunikim politik me Partinë Socialiste, por jo në negociata.
Ai paralajmëroi se nëse nuk arrihet një marrëveshje paraelektorale me partinë më të madhe në qeverisje forca që ai drejton do të garojë e vetme në zgjedhjet vendore të 21 qershorit.
"Duke qënë se jemi në komunikim politik, por jo në negociata me PS-në dhe parti të tjera, dhe nëse do të kemi konvergim kandidaturash për disa bashki ose në të gjithë vendin, atëhere do të kemi një marrëveshje, në të kundërt do të jemi të vetëm", u shpreh Dule.
Në deklaratën e sotme, kreu i PBDNJ-së, njëherazi nënkryetar i Kuvendit, akuzoi dy forcat e mëdh politike në vend, PS dhe PD, se kanë nisur përpjekjet për të manipuluar zgjedhjet. "Dy partitë e mëdha, PD dhe PS, po vijnë në fushën e betejës elektorale me 225 militantët më të flaktë. Këta militantë vijnë në këtë betejë të paguar me paratë e taksapaguesve shqiptarë. Ata do të quhen anëtarë të Komisioneve Zonale të Administrimit Zgjedhor(KZAZ) dhe në zgjedhjet e radhës do të bëjnë punën për të cilën janë paguar. Kjo nuk është të shkosh në zgjedhje në kushte të barabarta dhe të garosh në to", u shpreh Dule.
Ai bëri të ditur gjithashtu se kjo forcë politike javën që vjen do të hyjë në fushatën elektorale me programet e saj.
"Krahas programit tonë për bashkitë ku jemi të pranishëm do të përpiqemi të jemi në të gjitha 61 bashkitë e vendit, sikurse rezulton nga ndarja e re territoriale, të paktën në këshillat bashkiakë", saktësoi Dule.
/atsh/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35