SUKTH - Një ngjarje e rëndë është shënuar mëngjesin e sotëm në Sukth të Durrësit. Një 30-vjeçar është plagosur me armë në verandën e banesës së tij ndërsa policia ka arrestuar edhe autorin e ngjarjes. Burimet zyrtare thanë se është arrestuar 42-vjeçari Ardian Bregu, ndërsa ende nuk dihet shkaqet e ngjarjes.
30-vjeçari me inicialet A.D u dërgua me urgjencë në spital dhe sipas mjekëve ai ka marrë plagë në shpatull.

(aq/shqiptarja.com)