Durrës, arrestohen tre të
kërkuar, ishin dënuar me burg

Policia e qytetit bregdetar të Durrësit, ka arrestuar ditën e sotme  tre persona të cilët janë të dënuar me burg për vepra të ndyshme penale.

Në pranga kanë rënë Mohir Lala, 24 vjeç, Lutfi Loca 48 vjeç dhe Klajdi Arifaj  29 vjeç, të tre banues në Durrës.

24- vjeçari Lala është dënuar nga Gjykata e Durrësit me 4 vite burg për veprën penale të “Vjedhje me dhunë e kryer në bashkëpunim”.

Ndërkohë Lutfi Loca është dënuar me 1 vit burg për dhunë në familje.  Edhe 29- vjeçari Klajdi Arifaj, është i dënuar me 20 ditë burg për drejtim mjeti në mënyrë të parregullt.

Njoftimi i policisë:

Specialistët për Krimet në Komisariatin e Policisë Durrës bënë të mundur ndalimin e shtetasve në kërkim:

• Mohir Lala 24 vjeç, banues në Durrës.

•Lutfi Loca 48 vjeç, banues në Durrës.

•Klajdi Arifaj 29 vjeç, banues në Durrës.

Në ngarkim të shtetasit M.Lala, Gjykata e Rrethit Gjyqësor Durrës e ka dënuar me 4 vite burg për veprën penale “Vjedhja me dhunë e kryer në bashkëpunim”parashikuar në nenin 139, 25 të Kodit Penal.

Në ngarkim të shtetasit L.Loca, Gjykata e Rrethit Gjyqësor Durrës e ka dënuar me 1 vit burg për veprën penale “Dhunë në familje”parashikuar në nenin 130/a/4 të Kodit Penal.

Në ngarkim të shtetasit K.Arifaj Gjykata e Rrethit Gjyqësor Durrës e ka dënuar me 20 ditë burg për veprën penale “Drejtimi I automjeteve në mënyrë të parregullt”parashikuar në nenin 291 të Kodit Penal.

Materialet I kaluan Prokurorisë së Rrethit Gjyqësor Durrës për veprime të mëtejshme.

Redaksia Online
D.T/Shqiptarja.com

/Shqiptarja.com