POP 5

Lajmet më të lexuara të 5 minutave të fundit

Arkiva

Durres- 16 kroçera me 5692 turistë në 2014, këtë vit më shumë anije turistike

DURRES, 14 shkurt /ATSH- G. Kabashi/. – 16 kroçera me 5692 turistë të huaj gjithsej kanë vizituar portin e Durrësit gjatë vitit 2014, ndërsa pritet që gjatë këtij viti numri i udhëtarëve me aniejt e mëdha turistike të jetë më i lartë. Nga të dhënat e deritanishme, vetëm një nga agjencitë e specializuara ka programuar […]

DURRES, 14 shkurt /ATSH- G. Kabashi/. - 16 kroçera me 5692 turistë të huaj gjithsej kanë vizituar portin e Durrësit gjatë vitit 2014, ndërsa pritet që gjatë këtij viti numri i udhëtarëve me aniejt e mëdha turistike të jetë më i lartë.
Nga të dhënat e deritanishme, vetëm një nga agjencitë e specializuara ka programuar në periudhën maj-tetor të vitit 2015 mbërritjen e 8 kroçerave me gjatësi rreth 180 metra dhe me një numër të përgjithshëm prej mbi 8 mijë turistë.
Nga statistikat e APD mësohet se anijet e mëdha turistike kanë ardhur në Durrës kryesisht gjatë stinës së nxehtë, nga qershori deri në shtator, por nuk kanë munguar lundrimet edhe në ditët e para të janarit. Turistët që shfrytëzojnë kroçerat për të vizituar vendin tonë vijnë nga të gjitha kontinentet, por pjesa më e madhe e tyre janë nga SHBA dhe Britania. Prej disa vitesh Durrësi bën pjesë në turet më të rëndësishme mesdhetare dhe kroçerat tashmë ndalojnë në portet e Shqipërisë, Italisë, Greqisë, Kroacisë e Malit të Zi.
Turistët janë mjaft të interesuar për të vizituar monumentet historike dhe arkeologjike të vendit tonë dhe në kushtet e kohës së kufizuar të qëndrimit të anijes në port agjencitë turistike programojnë ture në qytetet pranë, kryesisht në Durrës, Krujë, Tiranë, e më rrallë edhe në Berat.
Nga sektori i statistikave mësohet gjithashtu se vitin e kaluar në portin e Durrësit janë bregëzuar edhe 234 jahte turistike dhe pjesa më e madhe e drejtuesve të tyre kanë vizituar qytetin antic dhe rrethinat e tij.
Numrin më të madh të turistëve në Durrës gjatë vitit 2014 e ka sjellë kroçera Ocean Majesty, e cila ndaloi në portin më të madh të vendit me 796 turistë në bord. /a.ke/
 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

'Arratiset' nga Los Angeles me avion privat, Leonardo DiCaprio 'kryqëzohet' në rrjet

15 Janar, 13:37