DURRËS - Brenda këtij viti Durrësi do të ketë funksional parkimin e ri pranë Portit turistik. Kryeministri Edi Rama gjatë inspektimit të punimeve tha se në këtë vepër publike do mund të parkohen rreth 400 makina.
Në të djathtë të parkimit ndodhet porti i ri turistik, dhe në anën tjetër është godina e re e Hekurudhës që po ndërtohet. Por kjo godinë nuk do të shërbej vetëm për parkim por do të ketë edhe ambiente për zyra si dhe hapësira për zhvillimin e aktiviteteve të hapura social-kulturore
Për të inspektuar punimet, ishte edhe kryebashkiakja e Durrësit Emiriana Sako dhe nga drejtori i Fondit Shqiptar të Zhvillimit, Dritan Agolli.
“Është një objekt i cili ndodhet në një pozicion shumë të mirë, shumë afër me qytetin. Durrësi ka një shtim të fluksit të lëvizjes gjatë sezonit turistik dhe një nevojë të madhe për parkim dhe mendojmë që me këtë godinë, me përfundimin e saj do të japim një shërbim të mirë pasi këtu do të akomodohen 400 vende parkimi, do të ketë poste për biçikletat, karikues elektrik për mjetet elektrike dhe nga pjesa tjetër e funksioneve të objektit kemi parashikuar edhe hapësira të tjera funksionale si zyra të cilat mund të jenë në funksion të transportit publik në qytetin e Durrësit, por edhe salla për aktivitete të ndryshme”, - u shpreh kryetarja e bashkisë së Durrësit.
I gjithë funksionimi i godinës, do të realizohet me energji të prodhuar me panele diellore, ndërsa zyrat për monitorimin e parkimit do të jenë të pajisura me teknologji të kohës së fundit.
“Nga pikëpamja e teknologjisë ka për të qenë e gjitha me panele fotovoltaike që do të krijojë qëndrueshmëri nga pikëpamja e eficiencës së energjisë së parkimit. Nuk është thjesht një hapësirë parkimi, por është një hapësirë me jetë e gjallëri gjatë gjithë kohës”, - theksoi drejtori i FSHZH, Agolli.
Objekti është i vendosur në një nyje strategjike të qytetit.
“Nga e djathta kemi Portin turistik që po ndërtohet dhe pjesën e portit e Durrësit ekzistues dhe në të majtë kemi godinën e hekurudhës ku ka filluar puna me shtrimin e linjës Durrës – Tiranë dhe Durrës – Aeroport dhe mendojmë se është një nyje shumë e rëndësishme strategjike dhe ky objekt është i një nevoje shumë të lartë për qytetin – tha kryebashkiakja Sako.
Ky projekt, pritet të lehtësojë trafikun në qytet sidomos gjatë sezonit veror.
“Veliera”, një nga veprat më komplekse e cila po shkon drejt përfundimit. Gjatë inspektimeve që Kryeministri Rama po zhvillon ditën e sotme në Durrës, u ndal edhe tek kjo hapësirë e re publike në dispozicion të qytetit të Durrësi.
Punimet pritet të mbyllen para muajit qershor, ndërsa kreu i qeverisë sugjeroi që aty të festohet 1 qershori, dita e fëmijëve.
“Ka dashur kohën e vet dhe imagjino sa kohë u humb nga ata që u vunë kundër, me historira Prokurorie, jo do preket, jo nuk do preket Durrësi i lashtë, budallëqe e gjithë ajo kohë e humbur. Si nuk bëmë një punë të re inovative që nuk na u vunë mbrapa, si ka mundësi? Që në kohën e bashkisë deri më sot, si nuk u bë një punë që të bëhet dhe jo të thonë “bravo”, por të të lënë ta bësh pa të penguar, pa të nxjerrë njerëz, pa të nxjerrë probleme, pa të ngritur akuza. Megjithatë, këtu mbaron. Më 1 qershor duhet të bëjmë këtu festën e fëmijëve. Për sezonin kjo mund të bëhet kryevepër”, – u shpreh Kryeministri Rama.
Veliera do të jetë jo vetëm një atraksion më shumë turistik, në prag të këtij sezoni, por dhe një hapësirë publike për evente apo koncerte.
Kryeministri Edi Rama ndodhet në Durrës, ndërsa ka zhvilluar një vizitë edhe në Qendra Kulturore të Fëmijëve. Rama inspektoi këtë hapësirë, e cila është transformuar me hapësira moderne e miqësore për rreth 1 000 fëmijë që frekuentojnë qendrën, të grupmoshës nga 6 deri në 15 vjeç.
Gjatë inspektimeve e pranishme ishte dhe kryebashkiakia e Durrësit, Emiriana Sako.
“Qendra kulturore e fëmijëve kryeministër ka qenë prej disa vitesh e amortizuar, por dhe më pas tërmeti bëri një goditje, dëmtoi disa pjesë të saj. Më pas vendosëm me buxhetin e bashkisë që të bëjmë ndërhyrje. Është një objekt i cili është ndërtuar pjesërisht në vitet 30 gjatë kohës që është ndërtuar Banka e Shqipërisë dhe pjesa tjetër në vitet 70, pra janë bashkuar dy godina. Gjatë pjesës së rikonstruksionit u përpoqëm që ato elementë të cilët ishin të objektit të vjetër të dilnin në pah për të treguar kështu dhe rrugën apo kohën në të cilën është jetuar kjo godinë”.
Me një sipërfaqe totale prej rreth 2 000 metrash katrorë, në qendër ofrohen kurse në art, teknologji, gjuhë të huaja si dhe në sportet e tavolinës.
“Dy vitet e fundit jemi përfaqësuar në “EuroSong” me fëmije nga kjo qendër. Gjithashtu edhe në olimpiadat ballkanike të matematikes. Kati që është poshtë që ka vetëm aksesin nga rruga, e kemi parashikuar që të jetë një galeri pikture kryesisht për fëmijët dhe kemi menduar t’i vendosim emrin e piktorit Ibrahim Kodra sepse nuk kemi institucione që mbajnë emrin e tij. Kemi dhe tarracën që për hapësirën që ka, do të shfrytëzohen për aktivitete të ndryshme gjatë pranverës dhe vjeshtës.” – u shpreh kryebashkiakja Sako.
Rikonstruksioni i qendrës ka sjellë edhe rikonceptim të disa ambienteve në qendër, të cilat tanimë presin fëmijët me kushte dinjitoze e moderne.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Të shtëna me armë 'Shotgun' në Durrës, s'ka të lënduar! Shkak sherri mes dy personave të dehur në lokal, Policia shoqëron autorin (VIDEO)
25 Dhjetor, 18:28 -
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
Kremtohet Krishtlindja në Durrës, besimtarët e krishterë luten për paqe dhe mirësi
25 Dhjetor, 10:27 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26
Si sju vjen turp mo mbani në krah krye hajdutin e shqiptarëve Dritan Agollin që për 4 vite me rradhë ka bërë 3 restorante sa në valamarë sa në TEG Pse fle gjumë SPAK apo ndan % me të bashkë me at të gjatin. Turp Turp
Përgjigju