POP 5

Lajmet më të lexuara të 5 minutave të fundit

Kronikë

Durrës/ Denoncimi për tentativë grabitje merr tjetër ‘kthesë’, 20-vjeçari sherr me italianin për të fejuarën adoleshente

Ngjarja e pak ditëve më parë ku një 58-vjeçar italian ka denoncuar në Policinë e Durrësit se një 20-vjeçari tentoi ta grabisë, duket se është zbardhur më tej nga dëshmitë në hetuesi dhe në fakt ka marrë tjetër rrjedhë.

Durrës/ Denoncimi për tentativë grabitje merr tjetër ‘kthesë’, 20-vjeçari sherr me italianin për të fejuarën adoleshente

Amarildo Dani në momentin e arrestimit

Ngjarja e pak ditëve më parë ku një 58-vjeçar italian ka denoncuar në Policinë e Durrësit se një 20-vjeçari tentoi ta grabisë, duket se është zbardhur më tej nga dëshmitë në hetuesi dhe në fakt ka marrë tjetër rrjedhë.

20-vjeçari rezulton të jetë i fejuari i të miturës e cila ishte duke u shoqëruar me Saverio G. nga Italia. Ky i fundit ka pretenduar se i riu e ka kanosur me thikë dhe tentuar të grabisë çantën me para të tij.

Por, 20-vjeçari Amarildo Dani, ka dëshmuar se ai nuk ka pasur për qëllim të merret me 58-vjeçarin italian, por i ka kërkuar llogari se çfarë i duhej me të fejuarën e tij e cila është 40 vite më e vogël.

“Qëllimi im ka qenë të marr të fejuarën dhe ta largoja prej tij”- ka deklaruar 20-vjeçari në polici.

Dani me origjinë nga Bulqiza rezulton po ashtu rezident në Itali.

Sakaq e mitura në dëshminë e saj pranë hetuesisë, ka treguar se me 58-vjeçarin italian ka qenë në bisedime për t’u punësuar në kompaninë e tij në vendin fqinj dhe se arsyeja e vetme e takimit ka qenë për punë.

Në vazhdim të shqyrtimit të çështjes Gjykata e Rrethit Gjyqësor Durrës, shpalli të paligjshëm arrestimin në flagrancë të 20-vjeçarit të kryer për akuzën e “vjedhjes me dhunë” kryer në bashkëpunim, me pretendimin se nuk plotësoheshin kushtet dhe kriteret ligjore, sakaq bazuar mbi akuza, gjykata caktoi masën arrest në shtëpi për të riun.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beppino: 19/08/2024 15:25

    Akuza e rreme është vepër penale, apo jo në Shqipëri? Mos vallë për kolonët e Melonit nuk vepron i njëjti ligj si për ne indigjenët?

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46