Policia e Durrësit ka parandaluar një krim brenda familjes, ku burri pasi e ka dhunuar bashkëshorten ka tentuar që ta vrasë.

Siç bën të ditur policia e qytetit bregdetar, ngjarja ka ndodhur në familjen Alushi, aty ku pas një konflikti të çastit, bashkëshorti Bledar Alushi 23-vjeç ka dhunuar gruan 22-vjeçare B.Alushi e më pas e ka kërcënuar se do e vriste.

Me të marrë njoftimin nga fqinjët e çiftit, policia ka shkuar në vendin e ngjarjes dhe ka prangosur 23-vjeçarin ku i ka gjetur e sekuestruar edhe  një armë zjarri tip pistoletë model-54 dhe një krëhër pistolete me gjashtë fishekë.

Redaksia Online
(F.T/shqiptarja.com)