DURRES - Një person me iniciale Sh.P është plagosur në këmbë me armë zjarri në qendër të qytetit . Një person ende i paidentifikuar ka qëlluar me armë nga një mjet tip fuoristradë pranë stacionit hekurodhor.

33 vjeçari është dërguar me urgjencë në spitalin e qytetit për të marrë mjekimin e duhur dhe është jashtë rrezikut për jetën.

Ndërkohë autori i plagosjes është larguar nga vendi i ngjarjes. I plagosuri me iniciale Sh.P është drejtues furgoni i linjës Durrës - Tiranë.

Mësohet se ngjarja ka ndodhur për shkak të konkurencës së pandershme.

Policia po punon për kapjen e autorit të plagosjes.

(v.gj./shqiptarja.com)