E rëndë në Durrës, gjendet i pajetë 82-vjeçari në banesën e tij, i moshuari kishte prerje thike në fyt! Policia nis hetimet, sekuestrohen pamje filmike

DURRËS - Një 82-vjeçar është gjetur i pajetë në banesën e tij, në lagjen nr.16 në qytetin e Durrësit, rreth orës 18:50. 

Paulin Gina, 82 vjeç, kishte humbur kontaktin me familjarët e tij ditën e sotme (30 dhjetor 2024).

Burime për Report Tv, bëjnë me dije se familjarët kanë telefonuar një fqinjin e tij dhe ky i fundit ka thënë se nuk e kishte parë.

LEXO EDHE:
Durrës/ Masakroi fqinjin 82-vjeçar në lagjen nr.16 për një borxh 200 mijë lek, dalin pamjet e autorit teksa del nga pallati (VIDEO)

I ka në rënë derës disa herë dhe pasi është konstatuar se asnjëri prej fqinjëve të tjerë nuk e kishte parë, ky i fundit ka kërkuar ndërhyrjen e policisë.

Është kryer hapja e derës së banesës, ku është gjetur i vdekur 82 vjecari. Sipas policisë, ai ka shenja në fytyrë të cilat dyshohen se janë shkaktuar nga objekt prerës.

'Rreth orës 18:50, në lagjen nr. 16, Durrës, është gjetur në banesën e tij pa shenja jete shtetasi P. G., 82 vjeç.  Pas këqyrjes paraprake të trupit të 82-vjeçarit dhe nga hetimet paraprake dyshohet se 82-vjeçari është goditur  me mjet prerës (thikë) dhe për pasojë ka humbur jetën', njoftoi policia. 

Grupi hetimor nën drejtimin e Prokurorisë po punon për sqarimin e rrethanave, identifikimin dhe arrestimin e autorit/ve.

Po ashtu, do të pyeten edhe komshinjtë për të parë kush ka kontaktuar i fundit me të moshuarin, si dhe janë sekuestruar pamje filmike. 

TAG:
• Paulin Gina
• vrasje me thike
• policia e durresit
• Durres

Sondazhi i ditës:

Çfarë prisni në vitin 2025?

• Punë

  10.8%

• Shëndet

  67.6%

• Mirëqënia

  21.6%

Vota total: 2161

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia