Forcat RENEA janë vënë në ndjekje të tij ndërkohë që policia e Durrësit zbardhi sot rrethanat e shkëmbimit të zjarrit mes patrullës së policisë dhe të kërkuarit.
TELEFONATA PER DENONCIMIN E TENTATIVES SE GRABITJES
E gjitha kishte nisur në momentin kur policia kishte në orën 22.00 të 28 dhjetorit 2013, kur në Sallën Operative të Drejtorisë së Policisë Qarkut Durrës kishte mbërritur një telefonatë. Një shtetas denonconte tentativën për vjedhje me dhunë nga dy shtetas të lokalit të tij në lagjen Nr.15 Spitallë Durrës.
Menjëherë policia kishte nisur krehjen e zonës ndërkohë qëishin ndërmarrë verifikime për disa shtetas me tendencë vjedhjet me dhunë.
SI U PLAGOS POLICI
"Një patrullë me 3 punonjës Policie është afruar pranë banesës së shtetasit Gazmir Marku, shtetas me disa precedentë të mëparshëm penalë, ku në derën e oborrit të kësaj banese ka marrë kontakt me babain e Gazmirit. Në këtë moment, pa paralajmërim, në një distancë të afërt, ka qelluar me breshëri me një armë zjarri automatik në drejtim të efektivëve të Policisë shtetasi Gazmir Marku. Midis palëve ka pasur një shkëmbim zjarri, si pasojë e së cilit ka mbetur i plagosur në krah oficeri i Policisë Kriminale në Komisariatin e Policisë Durrës, A.H. Më pas, autori i dyshuar i kësaj ngjarje ka mundur të largohet së bashku me armën e zjarrit"-thuhet në njoftimin për shtyp të policisë së Durrësit.
FORCAT RENEA DHE NJE HELIKOPTER VAZHDOJNE KERKIME
Në ndjekje të tij janë vënë në mënyrë të menjëhershme shërbime të Drejtorisë së Policisë Qarkut Durrës, mbështetur edhe nga forcat RENEA, të cilët kanë vijuar me krehje të territorit përgjatë natës, kontrolle në akset rrugore, banesat ku dyshohej strehimi i autorit. Policia thotë se vijojnë kërkimet me të njëjtin intensitet punën për kapjen dhe neutralizimin e tij, dhe në mbështetje është vënë edhe një helikopter Policie.
POLICI I PLAGOSUR SILLET NE TIRANE
Oficeri i policisë është shkuar në spitalin e Durrës për të marrë mjekim ndërsa sot paradite është sjellë për mjekim më të specializuar tek spitali i Traumës në Tiranë. Mjekët thonë se gjëndja e tij shëndetësore është e mirë, ndërkohë që ka plagë me armë zjarri në fundin e gishtit të madh të dorës së djathtë. "Po shikohet nëse janë bllokuar tendinat e gishtit. Ky është i vetmi rrezik" - tha një mjek për gazetaren tonë Esmeralda Keta.
Ndërkohë gjatë qëndrimit në spitalin e Durrësit polici është vizituar edhe nga Ministri i Punëve të Brendshme, Z.Saimir Tahiri dhe Drejtori i Policisë së Shtetit.
GAZMIR MARKU ME PRECENDETE KRIMINALE
Policia thotë se Gazmir Marku ka pasur disa precedentë të mëparshëm kriminalë për vepra të ndryshme penale si vjedhje, përdhunim, dhunë në familje, shkatërrim pronë, etj. Madje gazetari ynë në Durrës Artur Korriku informon se Marku ishte dënuar dhe më parë pasi para disa vitesh kishte qëlluar kundër policisë.
5 MIJE ERUO SHPERBLIM
Policia fton komunitetin që për çdo informacion që mund të ketë lidhje me vendndodhjen e këtij shtetasi të informojë në numrin pa pagesë 129 dhe 126 duke garantuar anonimatin e telefonuesve. Për informacione të vlefshme mbi kapjen e këtij shtetasi vendos në dispozicion shumën prej 5000 Euro dhe garanton se do të ruajë anonimatin.
(Ne foto: Banesa e kontrolluar nga policia dhe ku ndodhi plagosja e policit)
(Ne foto: Banesa e kontrolluar nga policia dhe Gazmir Marku, personi i shpallur ne kerkim (djathtas) Shikoni FOTO TE TJERA
LAJMI I ORES 01:00 (29 dhjetor)
Shkuan për kontroll qëllon me automatik mbi policin
Përplasje me armë në orët e vona mes një personi dhe efektivëve të policisë në zonën e ish-Kënetës tek skolina numër 3 në qytetin bregdetar të Durrësit.
Sipas policisë gjithçka nisi kur oficeri i policisë shkoi për një kontroll rutinë në banesën e shtetasit Gazmir Marku, në lagjen nr 15, kur ky i fundit ka shtënë më automatik drejt policisë duke plagosur oficerin dhe është larguar me shpejtësi duke përfituar edhe nga errësira.
Si pasojë e përplasjes me armë ka mbetur i plagosur oficeri Agron Halilaj, i cili ndodhet jashtë rrezikut për jetën dhe është transportuar drejt spitalit rajonal për të marrë ndihmën e nevojshme mjekësore.
Forcat e policisë dhe RENEA janë vënë në ndjekje të autorit i cili njihej si person me precedentë penalë.
Lajmi u perditesua
Redaksia online
(sg/d.d/shqiptarja.com)
Lajme të tjera
-
‘Për pak ditë vjen 21 janari, të mos e harrojmë’, Veliaj nga Kuvendi Rinor i Tiranës: Në mes të Bulevardit vriteshin njerëz me plumba në mish se ishin socialistë
15 Janar, 20:45 -
Hyn në fuqi strategjia afatmesme e të ardhurave, goditje nëndeklarimit të pagave! Buxheti i shtetit do përfitojë 650 mln €
15 Janar, 20:43
-
Ylli Pata: Pse Gaz Bardhi i trembet primareve në PD?!
15 Janar, 20:39
-
Marrëveshja Hamas-Izrael, meritë e Trump? Biden: Po bëjmë shaka? Ishte punë në ekip
15 Janar, 20:32 -
Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime
15 Janar, 20:26 -
Jakin Marena: Berisha ‘hyn’ në krevatin e ‘tradhëtarëve’, Bardhi rebelohet me leje
15 Janar, 20:20
-
Hamas: Marrëveshja me Izraelin erdhi si rezultat i qëndresës palestineze
15 Janar, 20:18 -
E ndarë në tre faza, ja çfarë parashikon marrëveshja Izrael-Hamas për armëpushimin dhe lirimin e pengjeve?
15 Janar, 20:09 -
Shkatërrimi i kartelit italo-shqiptar të narkotrafikut nga Kolumbia, si dhëndri i ‘Diabolik’ bënte pazare me shqiptarët, zbërthehen mesazhet në Sky Ecc
15 Janar, 20:08 -
Komandohet drejtuesja, për herë të parë PD e Shkodrës do drejtohet nga një grua
15 Janar, 19:55 -
Vrasja e biznesmenit Bujar Nasufi tek 'Pallati me Shigjeta', drejtori i Policisë Tiranë: Janë mbledhur prova shkencore dhe kompjuterike, do t'i shërbejnë hetimit
15 Janar, 19:48 -
Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve
15 Janar, 19:31
