POP 5

Lajmet më të lexuara të 5 minutave të fundit

Sociale

Durrës/ Prindër e nxënës në protestë për mbylljen e shkollës në Bisht-Kamëz! Drejtori i zyrës arsimore: E amortizuar dhe pak fëmijë, u siguruam transportin

Viti i ri shkollor nuk ka nisur mirë për fëmijët e fshatit të Njësisë Katund i Ri. Prindërit thonë se u njoftuan vetëm 2-3 ditë para nisjes së shkollës. Drejtori Lika: Shkolla e Qerretit ku transferohen është vetëm 2 km larg, nuk do ketë mësim me turne. Gjendja e shkollës së Bisht-Kamzës e keqe

Durrës- Viti i ri shkollor ka nisur edhe me problematika të ndryshme në disa prej institucioneve arsimore, si nga rënia e numrit të nxënësve të regjistruar, deri tek mungesa e ambienteve për shkak të rikonstruksioneve të papërfunduara në disa godina.

Prindër dhe nxënës të shkollës 9-vjeçare Bisht-Kamëz, të Njësisë Administrative Katund i Ri në Durrës, u tubuan sot (11 Shtator) përpara ZVAPD (Zyra Vendore Arsimore Parauniversitare Durrës).

Fëmijët e këtij fshati ende nuk e  kanë nisur vitin e ri shkollor, për shkak të një vendimi, sipas të cilit ata duhet të transferohen në shkollën 9-vjeçare të Qerretit. Prindërit thonë se për këtë vendim janë njoftuar vetëm 2 apo 3 ditë para se të niste shkolla.

Ata nuk janë të qartë se përse është marrë ky vendim. Një përfaqësuese e ZVAPD u tha se “shkolla do t’i nënshtrohet rikonstruksionit, ndaj është vendosur transferimi i tyre në shkollën fqinje”.

Ndërkohë në DRAP, Azbi Lika, drejtori i kësaj drejtorie, në linjë telefonike për gazetarin e Shqiptarja.com dhe REPORT TV, sqaroi se një vendim i tillë ka 2 motive:

“Shkaku i parë është gjendja e kësaj shkolle. Ajo nuk plotëson aspak standardet e mësimdhënies. Është shkollë tejet e amortizuar. Shkaku i dytë është numri i ulët i nxënësve, i cili e detyron një vendim të tillë”.

Më tej ai theksoi se distanca e kësaj shkolle nga ajo e Qerretit është vetëm 2 km.

“Është një shkollë e re me të gjitha kushtet. Në dispozicion të nxënësve është vendosur një autobus për transportin e tyre. Nuk bëhet fjalë për mësim me turne. Ata do të ndjekin mësimin vetëm paradite sepse shkolla ka kapacitete të mjaftueshme”, thotë Lika.

A.Q/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 11/09/2024 23:39

    Dhe ju pritet shtatorin te fillonit riparimet?! Kjo eshte nje minishkolle,c'bete gjithe veren?!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

25 Dhjetor, 19:46