DURRËS-Sot pasdite është qëlluar më armë zjarri një 51-vjeçar, ndërsa janë shoqëruar në komisariat dy persona të dyshuar si autorë.
 
Rreth orës 18:05 në lagjen Nr.18 në Durrës është plagosur lehtë në këmbë, me pushkë sportive (me ajër), D.C. 51 vjeç.
 
I dëmtuari është transportuar në spitalin rajonal Durrës dhe sipas mjekëve ndodhet jashtë rrezikut për jetën.
 
Menjëherë në vendngjarje kanë shkuar efektivet e policisë, të cilët kanë shoqëruar dy persona, si autorë të dyshuar.
 
Vijojnë hetimet për zbardhjen dhe dokumentimin e plotë të ngjarjes.


dy.b/shqiptarja.com